ജില്ലാ അത്ലറ്റിക് അസോസിയേഷന്റെ നേതൃത്വത്തില് മീനങ്ങാടി ശ്രീകണ്ഠപ്പ സ്റ്റേഡിയത്തില് നടന്ന ജില്ലാതല കിഡ്സ് അത്ലറ്റിക് ചാമ്പ്യന്ഷിപ്പില് 50 പോയിന്റ് നേടി സുല്ത്താന്ബത്തേരി ഐഡിയല് ഇംഗ്ലീഷ് സ്കൂള് ജേതാക്കളായി. പനമരം ക്രസ്പോ സ്പോര്ട്സ് അക്കാദമി രണ്ടാം സ്ഥാനവും മീനങ്ങാടി അത്ലറ്റിക് അക്കാദമി മൂന്നാം സ്ഥാനവും നേടി. ചാമ്പ്യന്ഷിപ്പില് മൂന്നൂറോളം കായിക പ്രതിഭകള് പങ്കെടുത്തു. മീനങ്ങാടി ഗ്രാമപഞ്ചായത്ത് വൈസ് പ്രസിഡന്റ് കെ.പി.നുസ്രത്ത് ഉദ്ഘാടനം ചെയ്തു. സജി ചങ്ങനാമഠത്തില് അദ്ധ്യക്ഷത വഹിച്ചു. ഗ്രാമപഞ്ചായത്ത് വികസന കാര്യ സ്ഥിരം സമിതി അദ്ധ്യക്ഷന് ബേബിവര്ഗ്ഗീസ്, പഞ്ചായത്ത് അംഗങ്ങളായ എ.പി.ലൗസണ്, ശാന്തി സുനില്, സ്പോര്ട്സ് കൗണ്സില് എക്സിക്യൂട്ടീവ് അംഗങ്ങളായ എ,ഡി.ജോണ്, എന്.സി.സാജിദ്, സജീഷ് മാത്യു, മെഹര്ബാന് മുഹമ്മദ്, എം.ജ്യോതികുമാര് എന്നിവര് സംസാരിച്ചു. അത്ലററിക് അസോസിയേഷന് ജില്ലാ സെക്രട്ടറി ലൂക്കാ ഫ്രാന്സിസ് വിജയികള്ക്ക് സമ്മാനം വിതരണം ചെയ്തു.
വാട്സ്ആപ്പിൽ അക്കൗണ്ട് ഇല്ലേ? എങ്കിൽ ഗസ്റ്റ് ചാറ്റ് ചെയ്താലോ? പുത്തൻ അപ്പ്ഡേറ്റ് ഇങ്ങനെ
വാട്സ്ആപ്പ് എപ്പോഴും പുതുമകളുമായി യൂസർമാരെ ഞെട്ടിക്കാറുണ്ട്. വ്യത്യസ്തമായ അപ്പ്ഡേറ്റുകൾ കൊണ്ട് ഉപയോക്താക്കളെ എന്നും ചേർത്തു നിർത്തുന്ന വാട്സ്ആപ്പ് ഇപ്പോൾ പല പരീക്ഷണങ്ങളും നടത്തിവരികയാണ്. യൂസർ നെയിം അടിസ്ഥാനമാക്കിയ നമ്മുടെ ഫോൺ നമ്പറുകൾ ആർക്കും മനസിലാക്കാൻ
