കടലിൽ കുളിക്കാനിറങ്ങിയ 4 വയനാട് സ്വദേശികൾ മുങ്ങിമരിച്ചു.

പയ്യോളി: പയ്യോളി തിക്കോടി കല്ലകപ്പുറത്ത് കടപ്പുറത്ത് കുളിക്കാനിറങ്ങിയ
വയനാട്ടിൽ നിന്നുള്ള നാല് വിനോദസഞ്ചാരികൾ തിരയിൽപ്പെട്ട് മരിച്ചു.സിപി ഐഎം കൽപ്പറ്റ നോർത്ത് ലോക്കൽ കമ്മിറ്റിയംഗം ബിനീഷ്(45), ജിം ട്രെയി നർ തരുവണ ആറുവാൾ സ്വദേശിനി അനീസ (38), അമ്പിലേരി ഹരിതഗിരി സതീഷിന്റെ ഭാര്യ വാണി (39), വെള്ളാരംകുന്ന് പൂളക്കുന്ന് സ്വദേശി ഫൈസൽ (42) എന്നിവരാണ് മരിച്ചത്. രക്ഷപ്പെട്ട ജിൻസി (27) കൊയിലാണ്ടി താലൂക്ക് ആശുപത്രിയിൽ ചികിത്സയിലാണ്. ഇന്ന് വൈകുന്നേരം നാല് മണിയോടെ യാണ് സംഭവം. കൽപ്പറ്റ ബോഡിഷേപ്പ് ജിമ്മിൽ നിന്നും 24 പേരടങ്ങിയ സം ഘമാണ് തിക്കോടി കല്ലകപ്പുറത്ത് കടപ്പുറത്ത് എത്തിയത്. കടലിൽ ഇറങ്ങിയ അഞ്ച് പേർ തിരയിൽപ്പെടുകയായിരുന്നു.