കൽപ്പറ്റ :
ചൂരല്‍മലയിലെ വിദ്യാര്‍ത്ഥികള്‍ക്ക് പ്രകൃതി സൗഹൃദ പേപ്പര്‍ വിത്ത് പേനകള്‍ കൈമാറി കണ്ണൂര്‍ സെന്‍ട്രല്‍ ജയില്‍ ഉദ്യോഗസ്ഥര്‍. കണ്ണൂര്‍ സെന്‍ട്രല്‍ ജയിലിലെ അന്തേവാസികള്‍ തയ്യാറാക്കിയ 1800 പ്രകൃതി സൗഹൃദ പേപ്പര്‍ വിത്ത് പേനകളാണ് പ്രളയ ബാധിതരായ ചൂരല്‍മലയിലെ വിദ്യാര്‍ത്ഥികള്‍ക്ക് കൈമാറിയത്. കണ്ണൂര്‍ ചിറക്കല്‍ ലയണ്‍സ് ക്ലബ്ബുമായി സഹകരിച്ച് ഹൃദയതൂലിക പദ്ധതി മുഖേനയാണ് പേനകള്‍ തയ്യാറാക്കിയത്. മേപ്പാടി ഗവ ഹൈസ്‌കൂളില്‍ നടന്ന പരിപാടിയില്‍ ജയില്‍ ഉദ്യോഗസ്ഥരായ എം.കെ രമേശ് ബാബു, കെ.ടി അരുണ്‍, കെ.കെ ബൈജു, സി അനീഷ്, ടി.വി രജീഷ്, അധ്യാപകരായ ദിലീപ് കുമാര്‍, സരിത, ഷബ്ന, രമിത, അജ്മല്‍ എന്നിവര്‍ പങ്കെടുത്തു.
വ്യാജ ട്രേഡിങ്: ലാഭം നൽകാമെന്ന് വാഗ്ദാനം നൽകി ലക്ഷങ്ങൾ തട്ടിയ കേസിൽ നിയമ വിദ്യാർത്ഥി പിടിയിൽ
കൽപ്പറ്റ: ട്രേഡിങ് നടത്തി ലാഭം നൽകാമെന്ന് വിശ്വസിപ്പിച്ച് 33 ലക്ഷം തട്ടിയെടുത്ത കേസിൽ ഒരാൾ കൂടി പിടിയിൽ. ബാംഗ്ലൂരിലെ സ്വകാര്യ ലോ കോളേജിൽ നിയമ വിദ്യാർത്ഥിയായ മലപ്പുറം, താനൂർ സ്വദേശിയായ താഹിർ(32 )നെയാണ് വയനാട്
