കൗമാരക്കാർക്കായി ടീൻ അക്കൗണ്ടെന്ന പുതിയ ആശയം അവതരിപ്പിച്ച് ഇൻസ്റ്റഗ്രാം. ഇന്ത്യയിലെ ഉപഭോക്താക്കള്ക്ക് മാത്രമായാണ് പുതിയ ഫീച്ചർ. കൗമാരക്കാർക്ക് കൂടുതല് സുരക്ഷിതമായി സോഷ്യല് മീഡിയ ഉപയോഗിക്കാനുള്ള അവസരമൊരുക്കുകയാണ് ലക്ഷ്യം. പ്രായപൂർത്തിയാവാത്തവർക്ക് വിവിധ തരത്തിലുള്ള നിയന്ത്രണങ്ങള് ഏർപ്പെടുത്തുന്നതാണ് ടീൻ അക്കൗണ്ട്. അക്കൗണ്ടിലെ ചില സെറ്റിങ്സില് മാറ്റം വരുത്തണമെങ്കില് മാതാപിതാക്കളുടെ അനുമതി വേണ്ടതുണ്ട്. ടീൻ അക്കൗണ്ടില് മേല്നോട്ട സൗകര്യം ലഭിക്കുന്നതിനൊപ്പം കമൻ്റില് നിന്നും മെസേജില് നിന്നും ചില വാക്കുകള് നീക്കം ചെയ്യാനും മാതാപിതാക്കള്ക്ക് സാധിക്കും. ഇൻസ്റ്റഗ്രാം തന്നെയാണ് തങ്ങളുടെ ബ്ലോഗ് പോസ്റ്റിലൂടെ ഇക്കാര്യം അറിയിച്ചത്. സ്വാഭാവികമായിത്തന്നെ പ്രൈവറ്റ് ആയുള്ള അക്കൗണ്ടുകളാവും ടീൻ അക്കൗണ്ടുകള്. 16 വയസില് താഴെ പ്രായമുള്ള, നിലവില് അക്കൗണ്ടുള്ളവർക്കും 18 വയസില് താഴെ പ്രായമുള്ള പുതിയ ഉപഭോക്താക്കള്ക്കും ഇനി ഇൻസ്റ്റഗ്രാമില് ടീൻ അക്കൗണ്ടാവും ഉണ്ടാവുക. അംഗീകരിക്കപ്പെട്ട ആളുകള്ക്ക് മാത്രമേ ഈ അക്കൗണ്ടുകള് കാണാനും ഇതുമായി ഇടപഴകാനും കഴിയൂ. പ്രൈവറ്റ് അക്കൗണ്ട് ആയതുകൊണ്ട് തന്നെ എല്ലാവർക്കും അക്കൗണ്ടിലെ വിവരങ്ങള് കാണാനാവില്ല. ഫോളോവേഴ്സുമായി മാത്രമേ ടീൻ അക്കൗണ്ട് ഉടമകള്ക്ക് ആശയവിനിമയം നടത്താനാവൂ. ടാഗ്, മെൻഷൻ ഫീച്ചറുകള്ക്കും ടീൻ അക്കൗണ്ടില് നിയന്ത്രണങ്ങളുണ്ടാവും. കമൻ്റുകളിലൂടെയും മെസേജുകളിലൂടെയുമുള്ള ബുള്ളിയിങും കളിയാക്കലുകളുമൊക്കെ തടയും. ഇൻസ്റ്റഗ്രാമിലെ എല്ലാ ഉള്ളടക്കങ്ങളും ടീൻ അക്കൗണ്ടുകള്ക്ക് കാണാനാവില്ല. സൗന്ദര്യവർധന നടപടിക്രമങ്ങളുടെ ആഡുകള് എക്സ്പ്ലോർ ടാബില് നിന്നും റീലുകളില് നിന്നും നീക്കം ചെയ്യും. കായികമായ കയ്യേറ്റ വിഡിയോകളും കാണിക്കില്ല. ഒരു ദിവസം 60 മിനിട്ടാണ് പരമാവധി ടീൻ അക്കൗണ്ടുകള്ക്ക് ഉപയോഗിക്കാവുന്ന സമയം. 60 മിനിട്ട് കഴിയുമ്ബോള് എക്സിറ്റ് ആവാൻ ആവശ്യപ്പെടുകയും ചെയ്യും. രാത്രി 10 മുതല് രാവിലെ ഏഴ് വരെയുള്ള സമയത്ത് സ്ലീപ് മോഡ് ഓട്ടോമാറ്റിക്കായി ആക്റ്റിവേറ്റാവും. ടീൻ അക്കൗണ്ട് പരിശോധിക്കാൻ മാതാപിതാക്കള്ക്ക് സാധിക്കും. കഴിഞ്ഞ ഏഴ് ദിവസത്തില് എത്ര പേരാണ് മെസേജ് ചെയ്തതെന്നടക്കം അക്കൗണ്ടില് നിന്ന് അറിയാനാവും. മക്കളുടെ മെസേജിൻ്റെ ഉള്ളടക്കം എന്താണെന്ന് അറിയാൻ മാതാപിതാക്കള്ക്ക് കഴിയില്ല. സ്ലീപ് മോഡിലും ഒരു നിശ്ചിതസമയം കഴിഞ്ഞതിന് ശേഷം അക്കൗണ്ട് ബ്ലോക്ക് ചെയ്യാനുള്ള ഓപ്ഷനും മാതാപിതാക്കള്ക്കുണ്ട്. ചിലർ ഇൻസ്റ്റഗ്രാമില് അക്കൗണ്ടുണ്ടാക്കുമ്പോള് കൃത്യമായ പ്രായം നല്കാറില്ല. ഇതിനെ തടയാൻ ഐഡി കാർഡുകളടക്കം സമർപ്പിക്കണമെന്ന നിബന്ധന ഏർപ്പെടുത്താനുള്ള ആലോചനയുമുണ്ട്. ഇൻസ്റ്റഗ്രാമിലെ എല്ലാ കൗമാരക്കാരുടെയും അക്കൗണ്ടുകള് ടീൻ അക്കൗണ്ടുകളാക്കണമെന്നതാണ് പദ്ധതി.
മക്കളെ കയറൂരി വിട്ടാൽ പിന്നീട് അനുഭവിക്കേണ്ടി വരും എന്ന് ചുരുക്കം
