മധ്യവയസ്കന് മർദനമേറ്റ സംഭവം: പ്രതി പിടിയിൽ

പടിഞ്ഞാറത്തറ: കുപ്പാടിത്തറ കുറുമണിയിൽ ഈസ്റ്റർ ദിനത്തിൽ മധ്യവയസ്‌കനെ
മർദിച്ച് പരിക്കേൽപ്പിച്ച സംഭവത്തിൽ ഒന്നാം പ്രതിയെ പടിഞ്ഞാറത്തറ പോലീസ് പിടികൂടി. കുറുമണി ശ്യാം നിവാസിൽ പി സി ജെയ്‌സണെ മർദിച്ച കേസിൽ കുറു മണി പൂക്കിലോട്ട് വിനോദിനെയാണ് എസ് ഐ വിനോദും സംഘവും പിടികൂടിയത്. ഈസ്റ്റർ ദിനത്തിൽ വീട്ടിൽ നിന്നും ജയ്‌സനെ വിളിച്ചിറിക്കിക്കൊണ്ടു പോയ ശേഷം വിനോദും സംഘവും ചേർന്ന് ക്രൂരമായി മർദിക്കുകയായിരുന്നുവെന്നായിരുന്നു പരാതി. മദ്യപിക്കുന്നതിനിടയിലായിരുന്നു സംഭവമെന്നും പറയുന്നുണ്ട്. പ്രതിക്കെ തിരെ വധശ്രമ കുറ്റം ചുമത്തിയാണ് പോലീസ് അറസ്റ്റ് ചെയ്‌തത്. കോടതിയിൽ ഹാജരാക്കിയ പ്രതിയെ റിമാണ്ട് ചെയ്‌തു.