കാപ്പുംച്ചാൽ: മാനന്തവാടി കൂളിവയൽ, കാപ്പുംച്ചാൽ ഭാഗത്തു കശാപ്പിനായി കൊണ്ടുവന്ന പോത്ത് വിറളിയോടി. ഇന്ന് രാവിലെയാണ് സംഭവം. ഭീതി സൃഷ്ടിച്ചു പോത്ത് ജനങ്ങളുടെ ജീവനും സ്വത്തിനും ഭീഷണി ആയതിനെ തുടർന്ന് അഗ്ന‌ി രക്ഷാസേന, പോലീസ് എന്നിവരുടെ സഹായത്താൽ പോത്തിനെ പിടിക്കുന്നതിനായി വനംവകുപ്പ് ആർആർടി സംഘ മെത്തിയെങ്കിലും പോത്ത് ആർആർടി അംഗമായ ജയസൂര്യയെ ആക്രമിച്ചു. ഇതിനെ തുടർന്ന് അദ്ദേഹത്തിന് നിസാര പരിക്കേറ്റു.മുൻപ് പഞ്ചാര ക്കൊല്ലിയിൽ കടുവയെ പിടികൂടുന്നതിനിടെ കടുവയുടെ ആക്രമണത്തിൽ ജയസൂര്യക്ക് പരിക്കേറ്റിരുന്നു. ജയസൂര്യക്ക് പരിക്കേറ്റ പശ്ചാത്തലത്തിൽ വനം വകുപ്പ് പോത്തിനെ വെടിവെച്ചു പിടികൂടി. എന്നാൽ വെടിവെപ്പിനിട യിൽ പെല്ലറ്റിന്റെ ചീളുകൾ കൊണ്ട് നാട്ടുകാരായ രണ്ട് പേർക്ക് പരിക്കേ റ്റു. നാലാംമൈൽ സ്വദേശി എടവനിച്ചാൽ ജലീൽ (43), പനമരം സ്വദേശി ജസീം (26) എന്നിവർക്കാണ് പരിക്കേറ്റത്. ജലീലിന്റെ മുഖത്തും, ജസീമിന്റെ വയറിനുമാണ് പരിക്കേറ്റത്. ഇവരെ മാനന്തവാടി മെഡിക്കൽ കോളേ ജിൽ പ്രവേശിപ്പിച്ചു. ഇരുവരുടേയും പരിക്ക് സാരമുള്ളതല്ല.
കേരളത്തിൽ ട്രോളിങ് നിരോധനം വരുന്നു…
കേരളത്തിൽ ട്രോളിങ് നിരോധനം വരുന്നു. സംസ്ഥാനത്ത് നാളെ ജൂൺ 9) മുതൽ ട്രോളിംഗ് നിരോധനം ഏർപ്പെടുത്തുകയാണ്.
