ഓട്ടോ ടാക്സി ലൈറ്റ് മോട്ടോർ വർക്കേഴ്സ് യൂണിയൻ (CITU) ബത്തേരി ഏരിയ കമ്മിറ്റിയുടെയും ബത്തേരി മുൻസിപ്പൽ കമ്മിറ്റിയുടെയും നേതൃത്വത്തിൽ സിവിൽ സർവ്വീസ് പരീക്ഷയിൽ റാങ്ക് ജേതാവായ ഹസ്സൻ ഉസൈദിനും എസ്എസ്എൽസി,പ്ലസ് ടു പരീക്ഷകളിൽ ഉന്നത വിജയം കൈവരിച്ച മോട്ടോർ തൊഴിലാളികളുടെ മക്കൾക്കും മൊമെൻ്റോ നൽകി ആദരിച്ചു.വിവിധ വീടുകളിൽ നടന്ന ചടങ്ങിൽ സിഐടിയു സംസ്ഥാന കമ്മിറ്റി അംഗം പി.ആർ.ജയപ്രകാശ്, യൂണിയൻ നേതാക്കളായ അനീഷ് ബി നായർ,വി.എ അബ്ബാസ്, ജിനേഷ് പൗലോസ്. മനോജ് അമ്പാടി, ഷൈജു കോച്ചേരി, ആൻ്റപ്പൻ, ഷംസുദ്ദീൻ എന്നിവർ ഉപഹാരങ്ങൾ നൽകി. ഷമീർ, ഉസ്മാൻ, രാജപ്പൻ തുടങ്ങിയവർ പങ്കെടുത്തു.
ചുരത്തിലെ ഗതാഗതം ഭാഗികമായി പുനസ്ഥാപിച്ചു
വയനാട് ചുരം വ്യൂ പോയിന്റിൽ മണ്ണിടിഞ്ഞ പ്രദേശത്തെ വാഹന ഗതാഗതം ഭാഗികമായി പുന:സ്ഥാപിച്ചു. വ്യൂ പോയിന്റിൽ കുടുങ്ങിയ വാഹനങ്ങൾ അടിവാരത്തേക്ക് എത്തിക്കുകയും തുടർന്ന് അടിവാരത്ത് കുടുങ്ങിയ വാഹനങ്ങൾ വ്യൂ പോയിൻ്റ് ഭാഗത്തേക്ക് കയറ്റി വിടും.
