3,840 വോട്ടുകളുടെ ഭൂരിപക്ഷത്തിലാണ് ഷാഫി പറമ്പിൽ വിജയിച്ചത്. വോട്ടെണ്ണൽ തുടങ്ങി അവസാന മണിക്കൂറുകള് വരെ ബിജെപി സ്ഥാനാര്ത്ഥിയായ മെട്രോമാൻ ഇ ശ്രീധരനാണ് ലീഡ് ചെയ്തതിരുന്നത്. അവസാന നിമിഷത്തിലെ ഫോട്ടോഫിനിഷിലാണ് യുഡിഎഫ് സ്ഥാനാര്ത്ഥിയായ ഷാഫി പറമ്പിൽ വിജയിച്ചത്.
സംസ്ഥാനത്ത് നടന്ന നിയമസഭാ തെരഞ്ഞെടുപ്പിൽ ഏറ്റവും ശ്രദ്ധേയമായ പോരാട്ടം നടന്ന മണ്ഡലമാണ് പാലക്കാട്. വോട്ടെണ്ണൽ തുടങ്ങി അവസാന മണിക്കൂറുകള് വരെ ബിജെപി സ്ഥാനാര്ത്ഥിയായ മെട്രോമാൻ ഇ ശ്രീധരനാണ് ലീഡ് ചെയ്തതിരുന്നത്. അവസാന നിമിഷത്തിലെ ഫോട്ടോഫിനിഷിലാണ് യുഡിഎഫ് സ്ഥാനാര്ത്ഥിയായ ഷാഫി പറമ്പിൽ വിജയിച്ചത്.
3,840 വോട്ടുകളുടെ ഭൂരിപക്ഷത്തിലാണ് ഷാഫി പറമ്പിൽ വിജയിച്ചത്. ഗ്രാമീണ മേഖലകളില് നിന്നുള്ള വോട്ടുകളാണ് ഷാഫിയെ തുണച്ചത് എന്നാണ് ലഭിക്കുന്ന സൂചനകള്.
സംസ്ഥാനത്തെ ഭൂരിഭാഗം മണ്ഡലങ്ങളെയും അപേക്ഷിച്ച് ബിജെപിയ്ക്ക് വലിയ മുന്നേറ്റമുള്ള പാലക്കാട് മണ്ഡലത്തിൽ ബിജെപി കഴിഞ്ഞ നിയമസഭാ തെരഞ്ഞെടുപ്പിൽ രണ്ടാം സ്ഥാനത്തായിരുന്നു.
ജില്ലയിൽ യുഡിഎഫ് ശക്തികേന്ദ്രമെന്നു വിശേഷിപ്പിക്കാവുന്ന മണ്ഡലത്തിൽ കഴിഞ്ഞ രണ്ട് വട്ടവും കോൺഗ്രസ് എം എൽ എ ഷാഫി പറമ്പിലിന് തന്നെയായിരുന്നു വിജയം. 2006 ൽ വിജയിച്ച സിപിഎം സ്ഥാനാര്ഥി കെ കെ ദിവാകരനെ പരാജയപ്പെടുത്തിയായിരുന്നു ഷാഫിയുടെ വിജയം. 1967, 1970, 1996 എന്നീ തെരഞ്ഞെടുപ്പുകളിൽ മാത്രമാണ് സിപിഎം സ്ഥാനാര്ഥികള് മത്സരിച്ചു വിജയിച്ചത്.
2016 ൽ ബിജെപിയുടെ ശക്തയായ സ്ഥാനാര്ത്ഥി ശേഭാ സുരേന്ദ്രനാണ് ഷാഫിയുടെ എതിരാളിയായത്. അന്ന് രണ്ടാം സ്ഥാനത്ത് ശോഭ എത്തുകയും ചെയ്തിരുന്നു. ഷാഫി പറമ്പിലിന് 17000 ത്തിലധികം വോട്ടുകളുടെ ഭൂരിപക്ഷമുണ്ടായിരുന്നെങ്കിലും ശോഭ സുരേന്ദ്രൻ നാൽപതിനായിരത്തോളം വോട്ടുകള് നേടി. എന്നാൽ ഇത്തവണ ഷാഫിക്ക് മൂവായിരത്തോളം വോട്ടുകളുടെ ഭൂരിപക്ഷം മാത്രമാണ് ലഭിച്ചത് എന്നതും ശ്രദ്ധേയമാണ്.
