കാവുംമന്ദം: ജനകീയ പങ്കാളിത്തത്തോടെ കോവിഡ് പ്രതിരോധ പ്രവര്ത്തനങ്ങള്ക്കാവശ്യമായ ഓക്സിജന് സിലിണ്ടര് അടക്കമുള്ള സൗകര്യങ്ങള് ഒരുക്കി തരിയോട് ഗ്രാമപഞ്ചായത്ത് മാതൃകയായി. പദ്ധതിയിലേക്ക് ബാണാസുര ഹോട്ടല്സ് & റിസോര്ട്ട്സ് നല്കിയ ഓക്സിജന് സിലിണ്ടര് എം ബി വിനോദില് നിന്നും തരിയോട് ഗ്രാമപഞ്ചായത്ത് പ്രസിഡന്റ് വി ജി ഷിബു ഏറ്റുവാങ്ങി. കൂടുതല് സഹായങ്ങളും സേവനങ്ങളും ഇത്തരത്തില് പൊതുജന പങ്കാളിത്തത്തോടെ ലഭ്യമാക്കുന്നതിനുള്ള പ്രവര്ത്തനങ്ങള് നടന്നു വരികയാണ്. വൈസ് പ്രസിഡന്റ് സൂന നവീന്, സ്ഥിരം സമിതി അദ്ധ്യക്ഷന്മാരായ ഷീജ ആന്റണി, രാധ പുലിക്കോട്, ഷമീം പാറക്കണ്ടി, ഗ്രാമപഞ്ചായത്ത് അംഗങ്ങളായ വിജയന് തോട്ടുങ്ങല്, പുഷ്പ മനോജ്, വല്സല നളിനാക്ഷന്, കെ എന് ഗോപിനാഥന്, ഗ്രാമപഞ്ചായത്ത് സെക്രട്ടറി എം ബി ലതിക, മെഡിക്കല് ഓഫീസര് ഡോ വിന്സന്റ്, ഹെല്ത്ത് ഇന്സ്പെക്ടര് തോമസ്, എ എസ് ഐ കുഞ്ഞിരാമന് തുടങ്ങിയവര് സംബന്ധിച്ചു. കോവിഡ് പ്രതിരോധ പ്രവര്ത്തനങ്ങളുടെ ഭാഗമായി 24 മണിക്കൂറും പ്രവര്ത്തിക്കുന്ന കണ്ട്രോള് റൂം, ഹെല്പ്പ് ഡസ്ക്ക്, എന്നിവ നടന്നുവരുന്നുണ്ട്. എഴുപതിലധികം കിടക്കളുമായി കോവിഡ് പ്രാഥമിക ചികിത്സാ കേന്ദ്രവും ഗ്രാമപഞ്ചായത്തിന് കീഴില് പ്രവര്ത്തിച്ചു വരുന്നുണ്ട്. കൂടാതെ ഗുരുതര ആരോഗ്യ പ്രശ്നങ്ങളില്ലാത്ത രോഗികള്ക്ക് വേണ്ടി ഡൊമിസിലറി കെയര് സെന്ററും തയ്യാറാക്കിയിട്ടുണ്ട്. എല്ലാ വാര്ഡുകളിലും റാപ്പിഡ് റെസ്പോണ്സ് ടീം രോഗ പ്രതിരോധ പ്രവര്ത്തനങ്ങളുമായി സജീവമാണ്. ജനപ്രതിനിധികളും ആരോഗ്യ പ്രവര്ത്തകരും പോലീസും പൊതുജന സഹകരണത്തോടെ പ്രവര്ത്തനങ്ങള് നടത്തി വരുന്നുണ്ട്. ഗ്രാമപഞ്ചായത്ത് തല കോവിഡ് പ്രതിരോധ കോര് കമ്മിറ്റി എല്ലാ പ്രവര്ത്തനങ്ങളും കൃത്യമായി ഏകോപിപ്പിച്ചു വരുന്നുണ്ട്. പൊതു ജനങ്ങള്ക്ക് കോവിഡുമായി ബന്ധപ്പെട്ട ഏത് ആവശ്യങ്ങള്ക്കും കണ്ട്രോള് റൂമിലെ ഈ നമ്പറുകളില് ബന്ധപ്പെടാവുന്നതാണ്.
കോവിഡ് കണ്ട്രോള് റൂം
04936250435
9526917312
9539109312
8921868302
9496048343
