ക്യാന്‍സര്‍ രോഗബാധിതനായ വ്യക്തിയുടെ ബാങ്ക് വായ്പ ജില്ലാ ഭരണകൂടം മുന്‍കയ്യെടുത്ത് ഇല ഫൗണ്ടേഷന്റെ സഹായത്തോടെ തിരിച്ചടവ് നടത്തി. ബ്ലഡ് ക്യാന്‍സര്‍ ബാധിച്ച് കോഴിക്കോട് മെഡിക്കല്‍ കോളേജ് ആശുപത്രിയില്‍ ചികിത്സയിലുള്ള, പുഴമുടി സ്വദേശിയായ മുഹമ്മദ് ഹനീഫയുടെ ബാങ്ക് വായ്പയാണ് തിരിച്ചടച്ചത്. വീട് പണയത്തിലായി വൈത്തിരി പ്രാഥമിക സഹകരണ കാര്‍ഷിക ഗ്രാമ വികസന ബാങ്കിലുള്ള 1,87,699 രൂപയുടെ വായ്പ ഏറ്റെടുക്കാന്‍ ഇല ഫൗണ്ടേഷന്‍ മുന്നോട്ടു വരികയായിരുന്നു.
ബാങ്കിലെ തിരിച്ചടവിനുള്ള തുകയുടെ ചെക്ക് ജില്ലാ കളക്ടര്‍ ഡോ. അദീല അബ്ദുള്ള ബാങ്ക് സെക്രട്ടറി കെ. സച്ചിദാനന്ദന് കൈമാറി. ഫൗണ്ടേഷന്‍ സ്ഥാപകന്‍ നജീബ് കുറ്റിപ്പുറം പങ്കെടുത്തു.
കല്‍പ്പറ്റ നഗരസഭ വിജ്ഞാന കേരളം തൊഴില്‍ മേള സംഘടിപ്പിച്ചു.
കല്‍പ്പറ്റ :-അഭ്യസ്തവിദ്യരുടെ തൊഴിലില്ലായ്മ പരിഹരിക്കുക എന്ന ലക്ഷ്യത്തോടെ കേരള സര്‍ക്കാര്‍ തദ്ദേശ സ്വയംഭരണ സ്ഥാപനങ്ങളുടെ നേതൃത്വത്തില്‍ നടത്തി വരുന്ന വിജ്ഞാന കേരളം ജനകീയ ക്യാമ്പയിനിന്റെ ഭാഗമായി കല്‍പ്പറ്റ നഗരസഭയില്‍ തൊഴില്‍ മേള സംഘടിപ്പിച്ചു. 23
