തിരുവനന്തപുരം: സംസ്ഥാനത്തെ കോവിഡ് വ്യാപനം തുടരുന്ന പശ്ചാത്തലത്തിൽ ആരാധനാലയങ്ങളിൽ ഒരു സമയം പരമാവധി 20 പേര്ക്ക് മാത്രം പ്രവേശനം അനുവദിക്കാന് സര്ക്കാര് തീരുമാനിച്ചു. മുഖ്യമന്ത്രി പിണറായി വിജയന്റെ അധ്യക്ഷതയില് ചേര്ന്ന ഉന്നതതല യോഗത്തിലാണ് ഇത് സംബന്ധിച്ച തീരുമാനമുണ്ടായത്.സാധാരണഘട്ടങ്ങളിലാണ് എല്ലാ ആരാധനാലയങ്ങളിലും പരമാവധി 20 പേരെ അനുവദിക്കുക. ഹിന്ദു ആരാധനാലയങ്ങളില് വിശേഷാല് പൂജ, പ്രത്യേക ചടങ്ങുകള് എന്നിവ നടക്കുമ്പോള് അതത് ആരാധനാലയങ്ങളുടെ സൗകര്യത്തിന്റെ അടിസ്ഥാനത്തില് 40 പേരെ വരെ അനുദിക്കും.മുസ്ലിം പള്ളികളിലെ വെളളിയാഴ്ച പ്രാര്ത്ഥനയ്ക്കും ക്രിസ്ത്യന് പള്ളികളിലെ ഞായറാഴ്ച കുര്ബാനയ്ക്കും അതത് സ്ഥലത്തെ സൗകര്യത്തിനനുസരിച്ച് കൊവിഡ് മാനദണ്ഡങ്ങള് പാലിച്ച് 40 പേരെ വരെ അനുവദിക്കും.
ശബരിമലയില് തുലാമാസ പൂജാ ദിവസങ്ങളില് കൊവിഡ് മാനദണ്ഡങ്ങള് പാലിച്ച് ദിവസം പരമാവധി 250 പേരെ വരെ ദര്ശനത്തിന് അനുവദിക്കുമെന്നും മുഖ്യമന്ത്രിയുടെ ഓഫീസ് അറിയിച്ചു
