രാത്രി ഉറങ്ങാൻ പോകുന്നതിന് മുമ്പ് പാൽ കുടിക്കുന്ന ശീലമുണ്ടോ?

കാത്സ്യത്തിന്റെ ഏറ്റവും പ്രധാനപ്പെട്ട ഉറവിടങ്ങളിലൊന്നാണ് പാൽ. രാത്രിയിൽ ഉറങ്ങുന്നതിന് മുമ്പ് പാൽ കുടിക്കുന്നവരാണോ നിങ്ങൾ? എങ്കിൽ ഇപ്പോഴിതാ, ഡോക്ടർ പറയുന്നത് എന്താണെന്നോ? കാലിഫോർണിയ ആസ്ഥാനമായുള്ള ഗ്യാസ്ട്രോഎൻട്രോളജിസ്റ്റ് ഡോ. പളനിയപ്പൻ മാണിക്കം തന്റെ ഇൻസ്റ്റാഗ്രാം പോസ്റ്റിൽ രാത്രി ഉറങ്ങാൻ പോകുന്നതിനുമുമ്പ് പാൽ കുടിക്കരുതെന്ന് അദ്ദേഹം പറഞ്ഞു.

‘ ചെറുകുടലിൽ ലാക്ടേസ് എൻസൈം എന്ന എൻസൈം ഉണ്ട്. അത് പാലിലെ ലാക്ടോസിനെ ഗ്ലൂക്കോസ്, ഗാലക്ടോസ് തുടങ്ങിയ ചെറിയ തന്മാത്രകളാക്കി എളുപ്പത്തിൽ ആഗിരണം ചെയ്യുന്നു…’ – ഡോ. പളനിയപ്പൻ പറഞ്ഞു.

കുഞ്ഞുങ്ങളുടെ ശരീരത്തിൽ ലാക്റ്റേസ് എൻസൈം ഉണ്ടെന്ന് അദ്ദേഹം ചൂണ്ടിക്കാട്ടി. ഇത് പാൽ വളരെ എളുപ്പത്തിൽ ദഹിപ്പിക്കാൻ സഹായിക്കുന്നു. എന്നിരുന്നാലും, 5 വയസ്സിനു മുകളിൽ പ്രായമുള്ളപ്പോൾ, ശരീരത്തിൽ ലാക്റ്റേസ് ഉത്പാദനം കുറയുന്നു. ഏകദേശം 30 വയസ്സുള്ളപ്പോൾ ലാക്റ്റേസിന്റെ ഉത്പാദനം പൂജ്യമാണ്. ലാക്റ്റേസ് എൻസൈം ഇല്ലെങ്കിൽ പാൽ നേരിട്ട് വൻകുടലിൽ എത്തുകയും ബാക്ടീരിയകൾ ദഹനത്തിന് കാരണമാകുകയും ചെയ്യും.

ഒരാൾ രാത്രി ഉറങ്ങാൻ പോകുന്നതിന് തൊട്ടുമുമ്പ് പാൽ കുടിക്കരുതെന്ന് അദ്ദേഹം പറഞ്ഞു. കാരണം അത് ഇപ്പോഴും ദഹനപ്രശ്നങ്ങൾക്ക് കാരണമാകും. ദഹനപ്രശ്‌നങ്ങൾ ഇല്ലെങ്കിലും ഉറങ്ങുന്നതിന് തൊട്ടുമുമ്പ് പാൽ കുടിക്കരുത്. നല്ല ഉറക്കത്തിനായി മെലറ്റോണിൻ പ്രോത്സാഹിപ്പിക്കുന്നതിന് സെറോടോണിൻ പുറത്തുവിടുന്ന ട്രിപ്റ്റോഫാൻ പാലിൽ അടങ്ങിയിട്ടുണ്ടെങ്കിലും സമയം നിർണായകമാണെന്നും അദ്ദേഹം പറഞ്ഞു.

മൊത്തത്തിൽ പാലിന് നിരവധി ഗുണങ്ങളുണ്ട്. കാരണം ഇത് എല്ലുകളുടെ ആരോഗ്യത്തിന് സഹായിക്കുന്നു. കാൽസ്യം, ഫോസ്ഫറസ്, വിറ്റാമിൻ ഡി തുടങ്ങിയ പോഷകങ്ങൾ അസ്ഥി ഘടനയ്ക്ക് സഹായകമാണ്…- അമേരിക്കൻ ഡയറി സയൻസ് അസോസിയേഷൻ (ADSA) വൈസ് പ്രസിഡന്റ് സൂസൻ ഡങ്കൻ പറഞ്ഞു.

എല്ലുകളുടെ ആരോഗ്യത്തിനും ഹൃദയാരോഗ്യം നിലനിർത്തുന്നതിനും ക്യാൻസർ സാധ്യത കുറയ്ക്കുന്നതിനും ആവശ്യമായ പോഷകങ്ങൾ പാലിൽ അടങ്ങിയിട്ടുണ്ടെന്ന് ഡങ്കൻ പറഞ്ഞു.