ചെന്നലോട്: അവശ വിഭാഗങ്ങൾ ഒഴികെ ആൾതാമസമുള്ള മുഴുവൻ വീടുകളിൽ നിന്നും സ്ഥാപനങ്ങളിൽ നിന്നും ഹരിത കർമ്മ സേന യൂസർ ഫീ, പ്ലാസ്റ്റിക് ശേഖരണം എന്നിവ 100% കൈവരിച്ച് ശുചിത്വ പ്രവർത്തനങ്ങൾക്ക് മാതൃകയായി തരിയോട് ഗ്രാമപഞ്ചായത്തിലെ ചെന്നലോട് വാർഡ്. വാർഡ് നിവാസികളുടെ മികച്ച പിന്തുണയോടെ ഹരിത കർമ്മ സേന അംഗങ്ങളായ അന്നമ്മ സെബാസ്റ്റ്യൻ, സാഹിറ അഷ്റഫ് എന്നിവരുടെ നേതൃത്വത്തിൽ വാർഡ് മെമ്പർ ഷമീം പാറക്കണ്ടി, വാർഡ് വികസന സമിതി, ആരോഗ്യ ശുചിത്വ കമ്മിറ്റി തുടങ്ങിയവരുടെ സഹകരണത്തോടെയാണ് ഈ നേട്ടം കൈവരിക്കാൻ സാധിച്ചത്. അവശ വിഭാഗം ജനങ്ങളുടെ യൂസർ ഫീ തുക ഗ്രാമപഞ്ചായത്ത് പദ്ധതിയിൽ വകയിരുത്തി നൽകും. അഴകേറും ചെന്നലോട് ക്യാമ്പിന്റെ ഭാഗമായി ശുചിത്വ മേഖലയിൽ മറ്റു പ്രവർത്തനങ്ങളും വാർഡിൽ നടന്നുവരുന്നു.
മാര്‍ക്കറ്റിങ് മാനേജര്‍ നിയമനം
മാനന്തവാടി ട്രൈബല്‍ പ്ലാന്റേഷന്‍ കോ-ഓപറേറ്റീവ് ലിമിറ്റഡിലേക്ക് കരാര്‍ അടിസ്ഥാനത്തില്‍ മാര്‍ക്കറ്റിങ് മാനേജര്‍ തസ്തികയില്‍ നിയമനം നടത്തുന്നു. എം.ബി.എ, ടീ/ മറ്റ് അനുബന്ധ പ്ലാന്റേഷന്‍ ഉത്പന്നങ്ങളുടെ മാര്‍ക്കറ്റിങ് മാനേജ്മെന്റില്‍ അഞ്ച് വര്‍ഷത്തെ പ്രവൃത്തി പരിചയവും കമ്പ്യൂട്ടര്‍
