ഗായിക അമൃത സുരേഷും ഗായകനും സംഗീത സംവിധായകനുമായ ഗോപി സുന്ദറും തമ്മിലുള്ള പ്രണയമായിരുന്നു ഒരു കാലത്ത് സമൂഹ മാധ്യമങ്ങളിലെ ചൂടേറിയ ചര്ച്ചാ വിഷയം. ഒരുമിച്ചുള്ള ചിത്രങ്ങള് പങ്കുവെച്ചതിനെ പിന്നാലെ ഇരുവരെയും പിന്തുണച്ചും വിമര്ശിച്ചും നിരവധിയാളുകളാണ് രംഗത്തെത്തിയത്. പ്രണയം വെളിപ്പെടുത്തിയതിന് പിന്നാലെ ഇവര്ക്കെതിരെ സൈബര് ആക്രമണം ശക്തമായിരുന്നു. വിമര്ശനങ്ങള്ക്ക് അതേ നാണയത്തില് മറുപടി നല്കിയാണ് ഇരുവരും മുന്നോട്ട് പോകുന്നത്.
അടുത്തിടെ ഇരുവരും ഒന്നായതിന്റെ ഒന്നാം വാര്ഷികം ആഘോഷിച്ചിരുന്നു. വിദേശ രാജ്യങ്ങളിലേയ്ക്കുള്ള യാത്രകളും സ്റ്റേജ് പ്രോഗ്രാമുകളുമെല്ലാമായി ജീവിതം അടിച്ചുപൊളിക്കുകയായിരുന്നു അമൃതയും ഗോപിയും. സ്വകാര്യ നിമിഷങ്ങള് പോലും ഇരുവരും ആരാധകരുമായി പങ്കുവെയ്ക്കാറുണ്ടായിരുന്നു. എന്നാല് ഇപ്പോള് അമൃത സുരേഷും ഗോപി സുന്ദറും വേര്പിരിയുകയാണെന്ന റിപ്പോര്ട്ടുകളാണ് സോഷ്യല് മീഡിയയില് പ്രചരിക്കുന്നത്.
ഒന്നിച്ച് ജീവിക്കാൻ ആരംഭിച്ച് ഒരു വര്ഷം പിന്നിട്ടതോടെ അമൃതയും ഗോപിയും ഇൻസ്റ്റഗ്രാമില് അണ്ഫോളോ ചെയ്തിരിക്കുകയാണ്. പ്രണയം വെളിപ്പെടുത്തിക്കൊണ്ടുള്ള പോസ്റ്റും ഇപ്പോള് കാണാനില്ല. ഗോപി സുന്ദറിന്റെ ഇൻസ്റ്റഗ്രാം, എഫ്ബി പേജുകളില് നിന്നും ഈ പോസ്റ്റ് നീക്കം ചെയ്തിട്ടുണ്ട്. അമൃതയും തന്റെ ഇൻസ്റ്റഗ്രാം, എഫ്ബി പേജുകളില് നിന്നും ഈ പോസ്റ്റ് നീക്കം ചെയ്തിട്ടുണ്ട്. ഇതാണ് അഭ്യൂഹങ്ങള് ശക്തമാകാനുള്ള പ്രധാന കാരണം. എന്നാല് ഇരുവരുടെയും പേജുകളില് ഒന്നിച്ചുള്ള ചിത്രങ്ങള് ഇപ്പോഴുമുണ്ട്.
2022 മെയ് മാസം 26ന് ആയിരുന്നു ഒരുമിച്ച് ജീവിക്കാൻ തീരുമാനിച്ച വിവരം ഗോപി സുന്ദറും അമൃതയും പരസ്യമായി പ്രഖ്യാപിച്ചത്. ‘പിന്നിട്ട കാതങ്ങള് മനസ്സില് കുറിച്ച് അനുഭവങ്ങളുടെ കനല്വരമ്ബു കടന്ന് കാലവും കാറ്റും പുതിയ വഴികളിലേക്ക്.’ എന്നായിരുന്നു ഒരുമിച്ചുള്ള ചിത്രം പങ്കുവെച്ച് ഇരുവരും കുറിച്ചത്. സ്വകാര്യ ജീവിതത്തിലെ കാര്യങ്ങള് പറഞ്ഞ് പല തവണ ഇരുവരും വിമര്ശിക്കപ്പെട്ടിട്ടുണ്ട്. നടൻ ബാലയാണ് അമൃത സുരേഷിന്റെ മുൻ ഭര്ത്താവ്. ഈ ബന്ധത്തില് പാപ്പു എന്ന് വിളിക്കുന്ന അവന്തിക എന്നൊരു മകളുമുണ്ട്.
ആദ്യ ഭാര്യയില് ഗോപി സുന്ദറിന് രണ്ട് കുട്ടികളുണ്ട്. ഇതിനിടെയാണ് അദ്ദേഹം ഗായികയായ അഭയ ഹിര്ണമയിയുമായി അടുത്തതും ലിവിംഗ് ടുഗെതര് റിലേഷൻ ആരംഭിച്ചതും. ഈ ബന്ധം തുടങ്ങിയപ്പോഴും ആദ്യ ഭാര്യയുമായുള്ള ബന്ധം ഗോപി സുന്ദര് വേര്പെടുത്തിയിരുന്നില്ല. 2001ലാണ് ഗോപി സുന്ദറും പ്രിയയും വിവാഹിതരാകുന്നത്.
ഗോപി സുന്ദറുമായി പിരിഞ്ഞെങ്കിലും ഇപ്പോഴും തന്റെ പേരില് നിന്ന് ഗോപി സുന്ദറിനെ പ്രിയ നീക്കം ചെയ്തിട്ടില്ലെന്നതാണ് ശ്രദ്ധേയം. മാത്രമല്ല, സമൂഹ മാധ്യമ പേജുകളില് നിന്ന് ഗോപി സുന്ദറിനൊപ്പമുള്ള ചിത്രങ്ങളും പ്രിയ ഇതുവരെ നീക്കം ചെയ്തിട്ടില്ല. ഒമ്ബത് വര്ഷത്തോളമായി അഭയ ഹിരണ്മയിയുമായി ലിവിംഗ് ടുഗെതര് റിലേഷനിലായിരുന്നു ഗോപി സുന്ദര്. പല പൊതുപരിപാടികളിലും അഭയയും ഗോപിയും ഒരുമിച്ച് എത്തിയതിൻ്റെ ചിത്രങ്ങള് സോഷ്യല് മീഡിയയില് വൈറലായിട്ടുണ്ട്. 2021 ഓഗസ്റ്റിലാണ് അഭയയുമായിട്ടുള്ള ചിത്രം ഗോപി സുന്ദര് ഫേസ്ബുക്കില് അവസാനമായി പങ്കുവെച്ചത്.
അഭയയുമായുള്ള ബന്ധവും അവസാനിപ്പിച്ചാണ് ഗോപി സുന്ദര് അമൃത സുരേഷുമായി പ്രണയത്തിലായത്. ഈ ബന്ധവും തകര്ച്ചയുടെ വക്കിലാണെന്ന സൂചനകളാണ് ഇപ്പോള് സോഷ്യല് മീഡിയയില് പ്രചരിക്കുന്നത്. ഐഡിയ സ്റ്റാര് സിംഗര് എന്ന റിയാലിറ്റി ഷോയിലൂടെ മലയാളികള്ക്ക് സുപരിചിതയായ ഗായികയാണ് അമൃത സുരേഷ്. 2010ല് നടൻ ബാല അമൃതയെ വിവാഹം ചെയ്തിരുന്നു. എന്നാല് 2019ല് ഇരുവരും വിവാഹമോചനം നേടി. തുടര്ന്ന് 2021 സെപ്റ്റംബറിലാണ് ബാല രണ്ടാമത് വിവാഹം കഴിച്ചത്. തൃശ്ശൂര് കുന്നംകുളം സ്വദേശി എലിസബത്താണ് ബാലയുടെ ഭാര്യ.
