ഫുട്ബോൾ പ്രതിഭ ശ്യാം എംഎസിനെ അനുമോദിച്ചു

ബത്തേരി : ഗോവയിൽ വെച് നടന്ന യൂത്ത് ക്ലബ്ബ് ഫുട്ബോൾ ചാമ്പ്യൻഷിപ്പിൽ മികച്ച പ്രകടനം കാഴ്ച വെച്ച സർവജന സ്‌കൂൾ ഒമ്പതാം ക്ലാസ് വിദ്യാർത്ഥി ശ്യാം എംഎസിനെ ചെയർമാൻ ടികെ രമേശ് അനുമോദിച്ചു. ബത്തേരി മാനിക്കുനി കോളനിയിൽ താമസിക്കുന്ന ശശി , സീമ ദമ്പതികളുടെ മകനാണ് ശ്യാം . മുനിസിപ്പൽ സ്റ്റേഡിയത്തിൽ വെച് നടക്കുന്ന അൽ ഇത്തിഹാദ് സ്പോർട്സ് അക്കാദമി ഫുട്ബോൾ പരിശീലനത്തിൽ പങ്കെടുക്കുന്ന ശ്യാമിന് സൗത്ത് ഗോവ ഫുട്ബോൾ ക്ലബ്ബിലേക് ക്ഷണം ലഭിച്ചിട്ടുണ്ട് . എൽസി പൗലോസ്, ടോം ജോസ് , പി എസ് ലിഷ, സാലി പൗലോസ്, അസീസ് മാടാല, എ അബ്ദുൽ നാസർ, ജിജി ജേക്കബ്, ബിനു പി ഐ , ഏലിയാമ്മ എന്നിവർ സംബന്ധിച്ചു .