കൊച്ചി: ഐര്ടെല്ലിന്റെ പുതിയ എസ് 23+ സ്മാര്ട്ഫോണ് ഒക്ടോബര് അവസാന വാരം റീട്ടെയില് വിപണിയിലെത്തും. 15000 രൂപ സെഗ്മെന്റിലെ ആദ്യ 3ഡി കേര്വ്ഡ് അമോലെഡ് ഡിസ്പ്ലേ സ്മാര്ട്ട്ഫോണാണ് ഐടെല് എസ്23+. ബാങ്ക് ഓഫറുകള്ക്കൊപ്പം വെറും 12,999 രൂപയാണ് പുതിയ മോഡലിന്റെ വില. എലമെന്റല് ബ്ലൂ, ലേക്ക് സിയാന് നിറങ്ങളില് വരുന്ന പുതിയ ഫോണ് ഒക്ടോബര് 6 മുതല് ആമസോണ് ഇന്ത്യയില് മാത്രമായി വില്പന ആരംഭിക്കും. ലോഞ്ച് ഓഫറെന്ന നിലയില് 2399 രൂപ വിലയുള്ള ഐടെല് ടി11 ഇയര്ബഡും എസ്23+നൊപ്പം സൗജന്യമായി ലഭിക്കും.
ഇന് ഡിസ്പ്ലേ ഫിംഗര്പ്രിന്റ് സെന്സറും ഈ നിരക്കില് എസ്23+ന്റെ സവിശേഷതയാണ്. 240 ഹേര്ട്സ് ടച്ച് സാംപ്ലിങ് നിരക്ക് നല്കുന്നതാണ് ഫോണിലെ ശ്രദ്ധേയമായ 6.78 ഇഞ്ച് എഫ്എച്ച്ഡി പ്ലസ് 3ഡി കര്വ്ഡ് അമോലെഡ് ഡിസ്പ്ലേ. സാധാരണ ഗ്ലാസ് സ്ക്രീനുകളേക്കാള് നാലു മടങ്ങ് കൂടുതല് പ്രതിരോധവും ഈ ഡിസ്പ്ലേ ഉറപ്പുനല്കുന്നു. 256ജിബി+16ജിബി (8ജിബി റാം, 8ജിബി മെമ്മറി ഫ്യൂഷന്) സ്റ്റോറേജ് ഓപ്ഷനില് എത്തുന്ന ഫോണിന് വെറും 180 ഗ്രാം മാത്രമാണ് ഭാരം. 7.9 മി.മീറ്റര് മാത്രം കനമുളള ബോഡി കൈകാര്യം ചെയ്യല് എളുപ്പമാക്കുകയും ചെയ്യും.
ഈ സെഗ്മന്റില് ആദ്യമായി 32 മെഗാപിക്സല് അള്ട്രാ ക്ലിയര് ഫ്രണ്ട് ക്യാമറ, ശക്തമായ 50 മെഗാപിക്സല് റിയര് ക്യാമറ, ഇന്കമിങ് കോളുകള്, റിമൈന്ഡറുകള്, ബാറ്ററി സ്റ്റാറ്റസ് എന്നിവയ്ക്കായുള്ള നോട്ടിഫിക്കേഷനുകള് പരിശോധിക്കാന് ഉപയോക്താക്കളെ അനുവദിക്കുന്ന ഡൈനാമിക് ഐലന്ഡ്, 4ജി+ ടെക്നോളജി തുടങ്ങിയ പ്രീമിയം ഫീച്ചറുകള് ഫോണിലുണ്ട്. 5000 എംഎഎച്ച് ബാറ്ററി, ആന്ഡ്രോയിഡ് 13 ടി ഓപറേറ്റിങ് സിസ്റ്റം, 100 ദിവസത്തെ സ്ക്രീന് റീപ്ലേസ്മെന്റ്, സമഗ്രമായ 2 വര്ഷ വാറന്റി എന്നിവയാണ് മറ്റു സവിശേഷതകള്.
