കൽപ്പറ്റ: അന്താരാഷ്‌ട്ര ദുരന്ത നിവാരണ ദിനത്തിൽ, ഹ്യൂമേയ്ൻ സൊസൈറ്റി ഇന്റർനാഷണൽ/ഇന്ത്യ (എച്ച്‌എസ്‌ഐ/ഇന്ത്യ) വയനാട് ജില്ലാ ദുരന്ത നിവാരണ അതോറിറ്റിയുടെയും സ്കൂൾ ഡിസാസ്റ്റർ മാനേജ്‌മെന്റ് ക്ലബ്ബിന്റെയും സഹകരണത്തോടെ ഏച്ചോം സർവോദയ ഹയർ സെക്കൻഡറി സ്കൂളുമായി ചേർന്നുകൊണ്ട് സംവാദാത്മക ബോധവൽക്കരണ പരിപാടി സംഘടിപ്പിച്ചു. ‘ദുരന്തങ്ങളിൽ നിന്ന് മൃഗങ്ങളെ സംരക്ഷിക്കൽ സ്‌കൂളുകളിൽ നിന്ന് ആരംഭിക്കുന്നു’ എന്ന് പേരിട്ടിരിക്കുന്ന പരിപാടി, അപകടസാധ്യതകളിൽ നിന്ന് തങ്ങളുടെ മൃഗങ്ങളെ സംരക്ഷിക്കാൻ സ്വയം തയ്യാറെടുക്കേണ്ടതിന്റെ പ്രാധാന്യം കുട്ടികളെ പഠിപ്പിക്കുകയും അതുവഴി ചെറുപ്പം മുതലേ തയ്യാറെടുപ്പിന്റെയും അവബോധത്തിന്റെയും സഹാനുഭൂതിയുടെയും സംസ്കാരം അവരിൽ വളർത്തിയെടുക്കുകയും ചെയ്യുന്നു. പരിപാടിയിൽ, കുട്ടികൾ ദുരന്ത നിവാരണത്തെക്കുറിച്ചുള്ള സംവാദാത്മക റോൾപ്ലേയിൽ ഏർപ്പെട്ടു. ദുരന്തം ബാധിച്ച മൃഗങ്ങളുടെയും കുടുംബങ്ങളുടെയും അവസ്ഥ (റോളുകൾ) ഉൾക്കൊള്ളാൻ ഇത് അവരെ പ്രോത്സാഹിപ്പിച്ചു.
“ഈ പ്രോഗ്രാമിലൂടെ സ്കൂൾ വിദ്യാർത്ഥികളിൽ സഹാനുഭൂതി, പ്രതിരോധശേഷി, നിർണായകമായ ജീവിത നൈപുണ്യങ്ങൾ എന്നിവ വളർത്തിയെടുക്കാനാണ് ഞങ്ങൾ ലക്ഷ്യമിടുന്നത്”. ഹ്യൂമൻ സൊസൈറ്റി ഇന്റർനാഷണൽ/ഇന്ത്യയുടെ ഡിസാസ്റ്റർ റെസ്‌പോൺസ് ആൻഡ് റിലീഫ് മാനേജർ പ്രവീൺ സുരേഷ് പറഞ്ഞു. “കുട്ടികൾ നമ്മുടെ ഭാവി രൂപപ്പെടുത്തുന്നവരാണ്. അവരുടെ ഇന്നത്തെ പ്രവർത്തനങ്ങൾ വരും തലമുറകളിൽ പ്രതിധ്വനിക്കുന്നു. ദുരന്തനിവാരണത്തെക്കുറിച്ചും മൃഗങ്ങളെ പരിപാലിക്കുന്നതിനെക്കുറിച്ചും അവരെ പഠിപ്പിക്കുന്നതിലൂടെ, ദുരന്തനിവാരണ-ആസൂത്രണത്തിൽ മനുഷ്യരോടൊപ്പം തന്നെ മൃഗങ്ങളെയും കൂട്ടുത്തരവാദിത്വമായി പരിഗണിക്കാനാണ് ഞങ്ങൾ ശ്രമിക്കുന്നത്”
വസ്തുതകൾ:
• ഇന്ത്യയിൽ ഓരോ വർഷവും പ്രളയം മൂലം ഒരു ദശലക്ഷത്തിലധികം കന്നുകാലികൾ നഷ്ടപ്പെടുന്നു.
• 2018ലെ വെള്ളപ്പൊക്കത്തിൽ വയനാട്ടിൽ 1,300 മൃഗങ്ങൾക്ക് ജീവഹാനി സംഭവിച്ചു. പ്രളയസാധ്യതാ പ്രദേശമായതിനാൽ ഭാവിയിലുണ്ടായേക്കാവുന്ന വെള്ളപ്പൊക്കത്തിലും ഉരുൾപൊട്ടലിലും ആയിരക്കണക്കിന് മൃഗങ്ങളെ നഷ്ടപ്പെടാനുള്ള സാധ്യതയുണ്ട്.
• എച്ച്‌ എസ് ഐ/ഇന്ത്യയുടെ ദുരന്ത ലഘൂകരണ, പ്രതികരണ ഡിപ്പാർട്ട്‌മെന്റ്, പോളിസി-ലെവൽ മാറ്റങ്ങൾ, സ്റ്റാൻഡേർഡ് ഓപ്പറേറ്റിംഗ് മാർഗ്ഗനിർദ്ദേശങ്ങൾ, ഫീൽഡ്-ലെവൽ പഠനങ്ങൾ, പരിശീലന പരിപാടികൾ എന്നിവയിലൂടെ മൃഗങ്ങൾക്കായി ദുരന്തത്തെ പ്രതിരോധിക്കുന്ന ഒരു രാഷ്ട്രം കെട്ടിപ്പടുക്കാനായി പ്രവർത്തിക്കുന്നു.
