ഏകദിന ലോകപ്പില് ഇന്ത്യ ദക്ഷിണാഫ്രിക്കയെ 243 റണ്സിന് തോല്പിച്ചു. 327 റണ്സ് വിജയക്ഷ്യം പിന്തുടര്ന്ന ദക്ഷിണാഫ്രിക്ക 83 റണ്സിന് പുറത്തായി. ദക്ഷിണാഫ്രിക്കന് ബാറ്റ്സ്മാന്മാര്ക്കാര്ക്കും ഇന്ത്യന് ബോളര്മാരുടെ മുന്നില് പിടിച്ചുനില്ക്കാനായില്ല. ക്യാപ്റ്റന് ബാവുമയടക്കം നാലുപേര്ക്ക് മാത്രമാണ് രണ്ടക്കം കടക്കാനായത്.
14 റണ്സ് നേടിയ ജാന്സനാണ് ദക്ഷിണാഫ്രിക്കയുടെ ടോപ്സ്കോറര്. 33 റണ്സ് വഴങ്ങി അഞ്ചുവിക്കറ്റ് വീഴ്ത്തിയ രവീന്ദ്ര ജഡേജയുടെ മിന്നും ബോളിങ്ങാണ് ഇന്ത്യക്ക് തകര്പ്പന് ജയം സമ്മാനിച്ചത്. ഇന്ത്യക്കായി ഷമിയും കുല്ദീപും രണ്ടും സിറാജ് ഒന്നും വീതം വിക്കറ്റ് വീഴ്ത്തി. ലോകകപ്പ് പോയിന്റ് നിലയില് ഒന്നാം സ്ഥാനം ഉറപ്പിച്ച് ഇന്ത്യ. സെമിയില് ഇന്ത്യയ്ക്ക് എതിരാളികള് പോയിന്റ് നിലയിലെ നാലാം സ്ഥാനക്കാര്. ഇന്ത്യ 326/5, ദക്ഷിണാഫ്രിക്ക 83 ഓള് ഔട്ട്.
ഏകദിനത്തില് കൂടുതല് സെഞ്ചുറിയെന്ന നേട്ടത്തില് ഇതിഹാസ താരം സച്ചിന് തെന്ഡുല്ക്കര്ക്കൊപ്പമെത്തി കോലി. ദക്ഷിണാഫ്രിക്കയ്ക്കെതിരെ കോലി നേടിയത് കരിയറിലെ നാല്പത്തിയൊമ്പതാം ഏകദിന സെഞ്ചുറിയാണ്. ജന്മദിനത്തിലാണ് കോലിയുടെ റെക്കോര്ഡ് നേട്ടം. ആദ്യം ബാറ്റ്ചെയ്ത ഇന്ത്യ കോലിയുടെ സെഞ്ചുറി കരുത്തില് ഇന്ത്യ അഞ്ച് വിക്കറ്റ് നഷ്ടത്തില് 326 റണ്സ് നേടി.
ശ്രേയസ് അയ്യര് അര്ധസെഞ്ചുറി നേടി. ശ്രേയസ് അയ്യര് 77 റണ്സെടുത്ത് പുറത്തായി. കഴിഞ്ഞ മല്സരത്തിലും ശ്രേയസ് അര്ധസെഞ്ചുറി നേടിയിരുന്നു. രോഹിത് ശര്മയും ഗില്ലും ചേര്ന്ന് വെടിക്കെട്ട് തുടക്കമാണ് ഇന്ത്യയ്ക്ക് നല്കിയത്. 24 പന്തില് 40 റണ്സെടുത്തു രോഹിത്. ശുഭ്മന് ഗില് 23 റണ്സെടുത്ത് പുറത്തായി.
കെ.എല് രാഹുല്(എട്ട്), സൂര്യകുമാര് യാദവ് (22), റണ്സെടുത്തു. 121 പന്തില് 101 റണ്സുമായി കോലിയും 29 റണ്സോടെ രവീന്ദ്ര ജഡേജയും പുറത്താവാതെ നിന്നു. ദക്ഷിണാഫ്രിക്കയ്ക്കായി എന്ഗിഡി, ജാന്സെന്, റബാദ, മഹാരാജ്, ഷംസി എന്നിവര് ഒരോ വിക്കറ്റ് വീതം വീഴ്ത്തി.
