പനമരം ബ്ലോക്ക് പഞ്ചായത്ത് പരിധിയിലെ പുല്പ്പള്ളി, പൂതാടി, മുള്ളന്കൊല്ലി ഗ്രാമപഞ്ചായത്തുകളിലെ യുഡിഐഡി കാര്ഡിനു വേണ്ടി അപേക്ഷിച്ചിട്ട് ഇതുവരെയും കാര്ഡ് ലഭിക്കാത്ത അപേക്ഷകര്ക്ക് വേണ്ടിയുള്ള യു.ഡി.ഐ.ഡി പരാതിപരിഹാര അദാലത്ത് ഡിസംബര് 18 ന് രാവിലെ 10 മുതല് ഉച്ചക്ക് 1 വരെ പനമരം ബ്ലോക്ക് പഞ്ചായത്ത് കോണ്ഫറന്സ് ഹാളില്നടക്കും. യു.ഡി.ഐ.ഡി കാര്ഡ് എന്റോള്മെന്റ് നമ്പര്, ആധാര് കാര്ഡ്, മെഡിക്കല് ബോര്ഡ് സര്ട്ടിഫിക്കറ്റ് ഒറിജിനല്, ഫോട്ടോ, ഒപ്പ്, വിരലടയാളം, മൊബൈല് നമ്പര്, ജനനതിയതി എന്നിവ ഹാജരാക്കണം. യു.ഡി.ഐ.ഡി പരാതി പരിഹാര അദാലത്തിന് ഭിന്നശേഷിയുള്ള വ്യക്തികള് നേരിട്ട് ഹാജരാകേണ്ടതില്ല. പകരം ബന്ധപ്പെട്ട രേഖകള് സഹിതം മറ്റൊരാള്ക്ക് പങ്കെടുക്കാം.
കാറിടിച്ച് കാൽനടയാത്രികന് ഗുരുതര പരിക്ക്
കാക്കവയൽ സുധിക്കവലയിൽ കാറിടിച്ച് കാൽനടയാത്രികനായ മധ്യവയസ്കന് ഗുരുതരമായി പരിക്കേറ്റു. സുധിക്കവല കളത്തിൽ അജിത്കുമാറിനാണ് (50) അപകടത്തിൽ പരിക്കേറ്റത്. അപകടത്തെ തുടർന്ന് ഇദ്ദേഹത്തെ ഉടൻതന്നെ കൽപറ്റ ജനറൽ ആശുപത്രിയിൽ പ്രവേശിപ്പിച്ചു. Facebook Twitter WhatsApp
