ദക്ഷിണാഫ്രിക്കന് വിക്കറ്റ് കീപ്പര് ബാറ്റര് ഹെന്റിച്ച് ക്ലാസന് ടെസ്റ്റ് ക്രിക്കറ്റില്നിന്ന് വിരമിക്കല് പ്രഖ്യാപിച്ചു. അതേസമയം, വൈറ്റ് ബോള് ഫോര്മാറ്റില് ക്ലാസെന് ദക്ഷിണാഫ്രിക്കയെ പ്രതിനിധീകരിക്കുന്നത് തുടരും. 2019 നും 2023 നും ഇടയില് നാല് ടെസ്റ്റ് മത്സരങ്ങളുടെ ഭാഗമായിരുന്നു ക്ലാസന്. ഈ നാല് ടെസ്റ്റ് മത്സരങ്ങളില്നിന്നും 104 റണ്സാണ് താരത്തിന്റെ സമ്പാദ്യം.
ഇന്ത്യക്കെതിരായ കേപ്ടൗണ് ടെസ്റ്റിന് ശേഷം ഡീന് എല്ഗര് തന്റെ കരിയര് അവസാനിപ്പിച്ചതിന് ശേഷം ഏറ്റവും ദൈര്ഘ്യമേറിയ ഫോര്മാറ്റ് ഉപേക്ഷിക്കുന്ന രണ്ടാമത്തെ കളിക്കാരനാണ് അദ്ദേഹം. അടുത്തിടെ അവസാനിച്ച പരമ്പരയിലേക്ക് ക്ലാസനെ പരിഗണിച്ചിരുന്നില്ല. വിന്ഡീസിനെതിരായ പരമ്പരയിലാണ് അദ്ദേഹം അവസാനം ടെസ്റ്റില് കളിച്ചത്.
വെസ്റ്റ് ഇന്ഡീസിനെതിരെ നാല് ഇന്നിംഗ്സുകളില് നിന്നായി 56 റണ്സാണ് ക്ലാസന് നേടിയത്. തന്റെ വിരമിക്കല് തീരുമാനത്തിന് പിന്നിലെ കാരണം ക്ലാസന് വ്യക്തമാക്കിയിട്ടില്ല. എന്നാല് ഇന്ത്യന് പ്രീമിയര് ലീഗിന്റെ മുഴുവന് സീസണും, ദി ഹണ്ഡ്രഡ് ആന്ഡ് മേജര് ലീഗ് ക്രിക്കറ്റും കളിക്കാന് അദ്ദേഹം കാത്തിരിക്കുന്നതായി തോന്നുന്നു.
കുറച്ച് ഉറക്കമില്ലാത്ത രാത്രികള്ക്ക് ശേഷം ഞാന് ടെസ്റ്റ് ക്രിക്കറ്റില് നിന്ന് വിരമിക്കാന് തീരുമാനിച്ചു. റെഡ്-ബോള് ക്രിക്കറ്റ് എന്റെ പ്രിയപ്പെട്ട ഫോര്മാറ്റായതിനാല് ഇത് ബുദ്ധിമുട്ടുള്ള തീരുമാനമായിരുന്നു. അതൊരു മികച്ച യാത്രയായിരുന്നു, ടെസ്റ്റ് ക്രിക്കറ്റില് ദക്ഷിണാഫ്രിക്കയെ പ്രതിനിധീകരിച്ചതില് ഞാന് ഭാഗ്യവാനാണ്. ടെസ്റ്റ് ക്യാപ്പാണ് എനിക്ക് ഏറ്റവും വിലയേറിയ തൊപ്പി- ഹെന്റിച്ച് ക്ലാസന് വിരമിക്കല് പ്രസ്താവനയില് പറഞ്ഞു.
