സൗജന്യ ഗ്യാസ് ഇൻഷൂറൻസിന് നിങ്ങളും അര്‍ഹരാണ്

വിറകടുപ്പുകളില്‍ നിന്ന് വളരെ പെട്ടെന്നാണ് നമ്മള്‍ ഗ്യാസ് അടുപ്പുകളിലേക്കും വൈദ്യുതി അടുപ്പുകളിലേക്കും മാറിയത്. പരിസര മലിനീകരണം കുറയ്ക്കാമെന്നതും വേഗത്തില്‍ പാചകം പൂർത്തിയാക്കാനും സാധിക്കുന്നതിനാല്‍ പലരും ഗ്യാസ് അടുപ്പിനെയാണ് കൂടുതല്‍ ഉപയോഗിക്കുന്നത്. എല്‍പിജി ഗ്യാസ് സിലിണ്ടറിനെ ജനകീയമാക്കുന്നു. എന്നിരുന്നാലും വളരെ അപകട സാധ്യതയുള്ളതാണ് എല്‍പിജി വാതകം. സൂക്ഷിച്ച്‌ ഉപയോഗിച്ചിട്ടില്ലെങ്കില്‍ മരണം വരെ സംഭവിക്കാം. എന്നാല്‍ ഈ അപകടസാധ്യത മുന്നില്‍ കണ്ട് ഓരോ തവണയും എല്‍പിജി സിലിണ്ടറിനായി ബുക്ക് ചെയ്യമ്പോള്‍, ഗാർഹിക ഉപഭോക്താക്കള്‍ക്കും അവരുടെ കുടുംബത്തിനുമായി 50 ലക്ഷം രൂപയുടെ അപകട ഇൻഷുറൻസ് പരിരക്ഷ കൂടി നല്‍കുന്നുണ്ട്. ഇൻഷുറൻസ് പരിരക്ഷ ലഭിക്കുന്നതിനായി പ്രീമിയം തുകയൊന്നും നല്‍കേണ്ട എന്നതാണ് ഇതിന്റെ ഏറ്റവും വലിയ പ്രത്യേകത, അതായത്, തികച്ചും സൗജന്യമായാണ് ഓരോ ഗ്യാസ് ബുക്കിങ്ങിലും 50 ലക്ഷത്തിൻെ പരിരക്ഷ ലഭിക്കുന്നു. ഒരു കുടുംബാംഗത്തിന് 10 ലക്ഷം രൂപ വീതം കുടുംബത്തിനുള്ള പരമാവധി പരിരക്ഷ 50 ലക്ഷം രൂപയാണ്. കെട്ടിടത്തിനും വസ്തുവകകള്‍ക്കും കേടുപാട് പറ്റിയാല്‍ രണ്ട് ലക്ഷം രൂപ വരെ ക്ലെയിം ചെയ്യാനാകും. അതുപോലെ ഏതെങ്കിലും കുടുംബാംഗം അപകടത്തില്‍ മരണപ്പെടുകയാണെങ്കില്‍ വ്യക്തിഗത അപകട പരിരക്ഷയായി ആറ് ലക്ഷം രൂപ അവകാശികള്‍ക്ക് ലഭിക്കും. അതുപോലെ അപകടത്തില്‍ പരിക്കേറ്റ ഒരു അംഗത്തിന് രണ്ട് ലക്ഷം രൂപ വീതം കുടുംബത്തിന് പരമാവധി 30 ലക്ഷം രൂപ വരെ ചികിത്സയ്ക്ക് വേണ്ടിയും ഇൻഷുറൻസ് കവറേജ് ലഭ്യമാണ്.

എങ്ങനെ ക്ലെയിം ചെയ്യാം

അപകടമുണ്ടായാല്‍ ഉടൻ അടുത്തുള്ള പോലീസ് സ്റ്റേഷനില്‍ അറിയിക്കണം. എന്തെങ്കിലും അപകടങ്ങള്‍ സംഭവിച്ചാല്‍, എല്‍പിജി ഉപഭോക്താവ് ഉടൻ തന്നെ വിതരണക്കാരനെ രേഖാമൂലം അറിയിക്കണം. തുടർന്ന് വിതരണക്കാരൻ ബന്ധപ്പെട്ട എണ്ണക്കമ്പനിയെയും ഇൻഷുറൻസ് കമ്പനിയെയും അപകടത്തെക്കുറിച്ച്‌ അറിയിക്കുന്നു. ഉപഭോക്താക്കള്‍ ഇൻഷുറൻസ് കമ്പനിയുമായി നേരിട്ട് ബന്ധപ്പെടേണ്ടതില്ല, ഇൻഷുറൻസ് ക്ലെയിം ചെയ്യുന്നതിന് ഉപഭോക്താക്കള്‍ ചില രേഖകള്‍ സമർപ്പിക്കേണ്ടതുണ്ട്. ഉപഭോക്താക്കള്‍ ഇനിപ്പറയുന്ന രേഖകള്‍ എണ്ണ കമ്പനിക്ക് സമർപ്പിക്കേണ്ടതുണ്ട്: മരണ സർട്ടിഫിക്കറ്റിന്റെ ഒറിജിനല്‍ മരണങ്ങളുടെ കാര്യത്തില്‍ ബാധകമായ പോസ്റ്റ്മോർട്ടം റിപ്പോർട്ടുകള്‍/കൊറോണേഴ്സ് റിപ്പോർട്ട്/ഇൻക്വസ്റ്റ് റിപ്പോർട്ട്. പരിക്കുകളാണെങ്കില്‍ യഥാർത്ഥ മെഡിക്കല്‍ ബില്ലുകള്‍ ഡോക്ടർമാരുടെ കുറിപ്പടി ഒറിജിനലില്‍ മരുന്ന് ബില്ലുകളുടെ വാങ്ങല്‍ ഡിസ്ചാർജ് കാർഡ് യഥാർത്ഥത്തില്‍ ആശുപത്രിവാസവുമായി ബന്ധപ്പെട്ട രേഖകള്‍ എന്നിവയും സമർപ്പിക്കേണ്ടി വരും. എല്‍പിജി അപകടങ്ങള്‍ കാരണം വീടോ കെട്ടിടമോ വാഹനമോ ഉള്‍പ്പെടെയുള്ള വസ്തുവകകള്‍ക്ക് കേടുപാടുകള്‍ സംഭവിക്കുന്നത് സാധാരണമാണ്. അത്തരം സന്ദർഭങ്ങളില്‍, ഈ നാശനഷ്ടങ്ങള്‍ക്ക് നിങ്ങള്‍ക്ക് ക്ലെയിം ചെയ്യാം.