മുണ്ടക്കൈ- ചൂരൽമല ദുരന്ത ബാധിതർക്കായി അദാലത്ത് സംഘടിപ്പിച്ചു

ജില്ലാ ദുരന്ത നിവാരണ അതോറിറ്റിയുടെ ആഭിമുഖ്യത്തിൽ  മുണ്ടക്കൈ – ചൂരൽമല ദുരന്തത്തിൽ നേരിട്ട് ദുരിത ബാധിതരായവർക്ക്മേപ്പാടി എം.എസ്.എ ഹാളിൽ അദാലത്ത് സംഘടിപ്പിച്ചു. മേപ്പാടി ഗ്രാമപഞ്ചായത്ത് 10, 11,12 വാർഡുകളിലെ 440 ആളുകളാണ് അദാലത്തിൽ പങ്കെടുത്തത്.
ഉപജീവന ബത്ത, വീട്ടു വാടക ,ആശ്രിതർക്കുള്ള ധനസഹായം, ഒന്നാംഘട്ട- രണ്ടാംഘട്ട ഗുണഭോക്ത്യ പട്ടിക,
ചികിത്സാ ധനസഹായം, മൈക്രോപ്ലാൻ, മൃഗ സംരക്ഷണം, വിദ്യാഭ്യാസം
ജില്ലാ സപ്ലൈ ഓഫീസ്, കെ. എസ്.ഇ.ബി, ബാങ്ക്  ലോൺ, കൃഷി നാശം,
മറ്റ് ഇനങ്ങൾ തുടങ്ങിയ വിഭാഗങ്ങളിലായി
705 അപേക്ഷകളാണ് അദാലത്തിൽ ലഭിച്ചത്. 364 അപേക്ഷകൾ ബാങ്ക് ലോൺ സംബന്ധിച്ചും 341 മറ്റ് വിഷയങ്ങൾ സംബന്ധിച്ച അപേക്ഷകളാണ് ലഭിച്ചത്. ലഭ്യമായ അപേക്ഷകൾ തീർപ്പാക്കുന്നതിന് വിവിധ വകുപ്പുകളിലേക്ക് കൈമാറി. ജില്ലാ കളക്ടർ ഡി.ആർ മേഘശ്രീ, എ.ഡി.എം കെ.ദേവകി, സബ് കളക്ടർ മിസാൽ സാഗർ ഭരത്,
വകുപ്പ്തല മേധാവികൾ, ഉദ്യോഗസ്ഥർ, എന്നിവർ അദാലത്തിൽ പങ്കെടുത്തു.