ലോക്ഡൗണ് നിര്ദ്ദേശങ്ങള് ലംഘിച്ചതിന് ഇന്ന് വയനാട് ജില്ലയില് 24 കേസുകള് രജിസ്റ്റര് ചെയ്തതായി ജില്ലാ പോലീസ് മേധാവി അറിയിച്ചു. ശരിയായവിധം മാസ്ക് ധരിക്കാത്തതിന് 98 പേര്ക്കെതിരെയും സാമൂഹിക അകലം പാലിക്കാത്തതിന് 57 പേര്ക്കെതിരെയും പിഴ ചുമത്തി. ലോക്ഡൗണ് കാലത്ത് അനാവശ്യമായി പൊതുജനങ്ങള് പുറത്തിറങ്ങുന്നത് തടയാന് ജില്ലയില് കര്ശന പരിശോധനകളാണ് നടത്തുന്നത്.
മതിയായ കാരണങ്ങളില്ലാതെ വാഹനങ്ങളില് യാത്ര ചെയ്യുന്നവര്ക്കെതിരെയും നടപടികള് കര്ശനമാക്കിയിട്ടുണ്ട്. എല്ലാ ടൗണുകള് കേന്ദ്രീകരിച്ചും പോലീസ് താല്ക്കാലിക ചെക്ക് പോസ്റ്റുകള് സ്ഥാപിച്ചിട്ടുണ്ട്. പാസ്സടക്കമുള്ള രേഖകള് കാണിച്ചാല് മാത്രമാണ് ഇതുവഴി വാഹനങ്ങള് കടത്തിവിടുക. വരും ദിവസങ്ങളിലും പരിശോധകള് കര്ശനമാക്കും. കോവിഡ് മാനദണ്ഡങ്ങള് പാലിക്കാത്ത സ്ഥാപനങ്ങള്ക്കെതിരെയും നടപടിയുണ്ടാകും. ജില്ലയില് വെള്ളിയാഴ്ച ഒരു പോലീസുകാരന് കോവിഡ് സ്ഥിരീകരിച്ചതായും ജില്ലാ പോലീസ് മേധാവി അറിയിച്ചു.
വൈകുന്നേരം 6നും രാത്രി 11നും ഇടയിൽ വൈദ്യുതി ഉപയോഗം പരമാവധി കുറച്ച് സഹകരിക്കണം; അഭ്യർത്ഥിച്ച് KSEB
തിരുവനന്തപുരം : വേനല്ച്ചൂട് കടുത്തതോടെ പീക് മണിക്കൂറുകളിലെ വൈദ്യുതി ഉപയോഗം കുറച്ച് സഹകരിക്കണമെന്ന് അഭ്യര്ത്ഥിച്ച് കെഎസ്ഇബി. പീക് സമയ വൈദ്യുതി ഉപയോഗം ക്രമാതീതമായി വര്ദ്ധിച്ച സാഹചര്യത്തിലാണിത്. ഏപ്രില് 18-ന് സര്വ്വകാല റെക്കോര്ഡായ 117.16 ദശലക്ഷം
