ഇൻകാസ് അൽഐൻ മെമ്പർഷിപ്പ് കാർഡ് വിതരണോത്ഘാടനം നടത്തി.

കെപിസിസിയുടെ നേതൃത്വത്തിൽ പ്രവാസി സംഘടനയായ ഇൻകാസിന്റെ മെമ്പർഷിപ്പ് കാർഡ് വിതരണോത്ഘാടനം ഗ്ലോബൽ ചെയർമാൻ കുമ്പളത്ത് ശങ്കരൻപിള്ള ടെലിഫോൺ സന്ദേശത്തിലൂടെ നിർവഹിച്ചു. യുഎഇയിലെ ആദ്യ മെമ്പർഷിപ്പ് കാർഡ് പ്രമുഖ ആരോഗ്യ പ്രവർത്തകൻ ഡോക്ടർ ശാഹുൽ ഹമീദിൽനിന്നും ഇൻകാസ് അൽഐൻ സ്റ്റേറ്റ് പ്രഡിഡന്റ് ഫൈസൽ തഹാനി സ്വീകരിച്ചു. മെമ്പർഷിപ്പ് ക്യാമ്പയിനിൽ കൂടുതൽ പ്രവർത്തകരെ ചേർത്ത ഇൻകാസ് തിരുവനന്തപുരം ജില്ലാ പ്രസിഡന്റ് അൻസാർ കിളിമാനൂരിനെ ചടങ്ങിൽ ആദരിച്ചു. അൽഐനിലെ സീനിയർ പ്രവർത്തകൻ ജിപി രവീന്ദ്രൻ അടക്കം നൂറോളം ഇൻകാസിന്റെ പ്രവർത്തകർക്ക് വേദിയിൽ അംഗത്വകാർഡ് വിതരണം ചെയ്തു.
ഇൻകാസ് അൽഐൻ സംസ്ഥാന പ്രസിഡന്റ് ഫൈസൽ തഹാനി അദ്ധ്യക്ഷത വഹിച്ച ചടങ്ങിൽ വൈസ് പ്രസിഡന്റുമാരായ സലീം വെഞ്ഞാറമൂട്, മുസ്തഫ വട്ടപ്പറമ്പിൽ, സെക്രട്ടറി ബെന്നി വർഗീസ് എന്നിവർ സംസാരിച്ചു. സ്റ്റേറ്റ് കമ്മിറ്റി, ജില്ലാകമ്മിറ്റി ഭാരവാഹികൾ അടക്കം നിരവധി പ്രവർത്തകർ ചടങ്ങിൽ സന്നിഹിതരായിരുന്നു. ആക്ടിങ് സെക്രട്ടറി സൈഫുദ്ധീൻ ബത്തേരി സ്വാഗതവും ട്രഷർ അലിമോൻ നന്ദിയും രേഖപ്പെടുത്തി. ചടങ്ങിൽ 2023 ജനുവരി 7ന് ഇൻകാസ് അൽഐൻ ഇക്യുസ്ട്രിയൻ സ്റ്റേഡിയത്തിൽ യുഎഇയിലെ പ്രമുഖ പതിനാറ് ടീമുകളെ പങ്കെടുപ്പിച്ചു നടത്തുന്ന ഇൻകാസ് അൽഐൻ ചാമ്പ്യൻ ട്രോഫി സെവൻസ് ഫുട്ബാൾ ടൂർണമെന്റ് വൻവിജയമാക്കുന്നതിന് സ്പോർട്സ് വിങ് കൺവീനർ അൻസാർ കിനിയുടെ നേതൃത്വത്തിൽ സബ് കമ്മിറ്റികൾ രൂപീകരിച്ചു.