പുല്പ്പള്ളി ചീയമ്പം 73ല് ഭീതി പരത്തിയ കടുവ വനം വകുപ്പ് സ്ഥാപിച്ച കൂട്ടില് കുടുങ്ങി. ഇന്ന് പുലര്ച്ചെ 6 മണിയോടെയാണ് ചീയമ്പം 73 ആനപന്തിയില് സ്ഥാപിച്ച കൂട്ടില് കടുവ അകപ്പെട്ടത്. 9 വയസോളം പ്രായം മതിക്കുന്നതാണ് കടുവയെന്ന് വനപാലകര് പറഞ്ഞു. കഴിഞ്ഞ ഒരു മാസത്തിലേറെയായി ജനവാസ മേഖലയില് നിരവധി വളര്ത്തുമൃഗങ്ങളെയടക്കം പിടികൂടിയ കടുവയാണിത്. പ്രദേശത്തെ 15 ഓളം ആടുകളെ കടുവ കൊന്നു തിന്നിരുന്നു.കടുവയെ പിടികൂടുന്നതിന് ഈ മാസം 8 നാണ് കൂട് സ്ഥാപിച്ചത്. കടുവയെ പിടികൂടാത്തതിനെതിരെ പ്രദേശവാസികള് പ്രതിഷേധത്തിലായിരുന്നു.കൂട്ടിലായ കടുവയെ സീനിയര് വെറ്ററിനറി സര്ജന് അരുണ് സക്കറിയയുടെ നേതൃത്വത്തില് പരിശോധിക്കും. ചെതലയം റേഞ്ച് ഓഫീസര് ശശികുമാറിന്റെ നേതൃത്വത്തിലുള്ള വനപാലക സംഘം സ്ഥലത്തുണ്ട്.
മൊബൈൽ ഫോണുകളുടെ വില കുത്തനെ കൂടും
ഡല്ഹി: അടുത്ത വര്ഷം ജനുവരി മുതല് രാജ്യത്ത് സ്മാര്ട്ട്ഫോണ് വില ഉയരുമെന്ന് സൂചന. 2026 വില വര്ദ്ധനവിന്റെ വര്ഷമായിരിക്കുമെന്നാണ് ഈ മേഖലയിലെ വിദഗ്ദ്ധര് നല്കുന്ന മുന്നറിയിപ്പ്. 15 ശതമാനം വരെ വില കൂടാനാണ് സാദ്ധ്യത.
