ബത്തേരി: വയനാട് ജില്ലാ സൈക്കിൾ പോളോ ചാമ്പ്യൻഷിപ് സുൽത്താൻ ബത്തേരി മുനിസിപ്പൽ ചെയർമാൻ ടി.കെ രമേശ് ഉദ്ഘാടനം ചെയ്തു. കായിക മത്സരങ്ങൾ സാമൂഹിക മുന്നേറ്റത്തിന് ഏറെ സഹായകരമാണെന്ന് അദ്ദേഹം പറഞ്ഞു. കർമ്മശേഷിയുള്ള യുവ സമൂഹത്തിന്റെ സൃഷ്ടിക്ക് ഇത്തരം പരിപാടികൾ അനിവാര്യമാണ്.
ഐഡിയൽ സ്നേഹഗിരി സ്കൂൾ പ്രിൻസിപ്പൽ സാദിഖ് കെ എം, സ്പോർട്സ് കൗൺസിൽ ജില്ലാ വൈസ് പ്രസിണ്ടന്റ് സലീം കടവൻ , സൈക്കിൾ അസോസിയേഷൻ ജില്ലാ പ്രസിസന്റ് സത്താർ വിൽട്ടൻ, അഷാദ് സി, സാജിദ് എൻ.സി എന്നിവർ സംസാരിച്ചു.
ഐഡിയൽ സ്നേഹഗിരി സ്കൂൾ ഗ്രൗണ്ടിൽ സീനിയർ, ജൂനിയർ, സബ്ജൂനിയർ വിഭാഗങ്ങളിലായാണ് മത്സരങ്ങൾ നടന്നത്. ജില്ലാ സ്പോർട്സ് കൗൺസിൽ സെക്രട്ടറി അമൽജിത്ത്. കെ. എസ്,
വൈസ് പ്രസിഡന്റ്‌ സലീം കടവൻ, ഐഡിയൽ സ്നേഹഗിരി സ്കൂൾ പ്രിൻസിപ്പൽ സാദിഖ് കെ എം , സൈക്കിൾ പോളോ അസോസിയേഷൻ പ്രസിഡന്റ്‌ സുധീഷ് സി. പി സെക്രട്ടറി സാജിദ് എൻ. സി, ട്രെഷറർ ഹരീഷ് കെ. വി എന്നിവർ പങ്കെടുക്കും.
