മാനന്തവാടി:കണ്ണൂർ സർവകലാശാലയിൽ നിന്ന് ജന്തുശാസ്ത്രത്തിൽ ഡോക്ടറേറ്റ് നേടിയ നവ്യ ഗോപാൽ. മാനന്തവാടി മേരി മാതാ ആർട്സ് ആൻഡ് സയൻസ് കോളേജിലെ റിസർച്ച് ഗൈഡായ ഡോ. എ. ആർ. സുധാ ദേവിയുടെ കീഴിലായിരുന്നു ഗവേഷണം.
‘ശുദ്ധജല ഞണ്ടുകളുടെ വളർച്ചയും പ്രജനനവും’ എന്നതായിരുന്നു വിഷയം. മാനന്തവാടി മുല്ലപ്പള്ളി വീട്ടിൽ ഗോപാലകൃഷ്ണൻ നായരുടെയും പ്രസന്നയുടെയും മകളും ചൂട്ടക്കടവിലെ പുത്തൻപുരയിൽ പ്രജിത്തിന്റെ ഭാര്യയുമാണ്.
തിരുനെല്ലിക്ഷേത്രത്തിൽ പുത്തരിയുത്സവം ആഘോഷിച്ചു.
തിരുനെല്ലി: തിരുനെല്ലി മഹാവിഷ്ണു ക്ഷേത്രത്തിൽ പുത്തരിയുത്സവം ആഘോഷിച്ചു. തിരുനെല്ലി ദേശത്ത് ആദ്യമായി വിളഞ്ഞ നെൽക്കതിർ തിരുനെല്ലി പെരുമാളിന് സമർപ്പിക്കുന്ന ചടങ്ങാണിത്. തിരുനെല്ലി ക്ഷേത്രത്തിന്റെ പ്രധാന ഉപക്ഷേത്രമായ ആക്കൊല്ലി അമ്മക്കാവ് പരിസരത്തുനിന്ന് അവകാശികൾ നെൽക്കതിർ ശേഖരിക്കും.
