രോഗികൾക്കൊരു കാരുണ്യ ഹസ്തം സഹായ പദ്ധതിയുടെ ഭാഗമായി ഗ്ലോബൽ കെ.എംസി.സി മാനന്തവാടി മുനിസിപ്പൽ കമ്മിറ്റിയുടെ ആഭിമുഖ്യത്തിൽ ചികിത്സാ സഹായം വിതരണം ചെയ്തു.ഗ്ലോബൽ കെ.എം.സി.സി വയനാട് ജില്ലാ സെക്രട്ടറി അസീസ് കോറോം ഉദ്ഘാടനം ചെയ്തു. മാനന്തവാടി നിയോജക മണ്ഡലം മുസ്ലിംലിം ലീഗ് സെക്രട്ടറി അഡ്വ.അബ്ദുൽ റഷീദ് പടയൻ അദ്ധ്യക്ഷത വഹിച്ചു. മുസ്ലിം ലീഗ് മുനിസിപ്പൽ ജനറൽസെക്രട്ടറി പി.വി.എസ് മൂസയ്ക്ക് ഖത്തർ കെഎംസിസി വയനാട് ജില്ലാ ജനറൽ സെക്രട്ടറി റയീസ് കെ.ഇ ചെക്ക് കൈമാറി.എസ്.ടി.യു സംസ്ഥാന സെക്രട്ടറി സി.കുഞ്ഞബ്ദുല്ല, ഷബീർ.കെ, ഹുസൈൻ കുഴിനിലം, കബീർ മാനന്തവാടി,ഗ്ലോബൽ കെ.എം സി.സി. കോ.ഓഡിനേറ്റർ നിസാർ പൈലറ്റ് തുടങ്ങിയവർ സംസാരിച്ചു.
കുടിക്കാഴ്ച്ച മാറ്റി.
മേപ്പാടി ഗ്രാമപഞ്ചായത്ത് അസിസ്റ്റന്റ് എൻജിനീയറുടെ ഓഫീസിൽ ഓവർസീയർ തസ്തികയിലേക്ക് ജൂലൈ 14 ന് രാവിലെ 11 ന് നടത്താനിരുന്ന കുടിക്കാഴ്ച്ച മാറ്റിയതായി ഗ്രാമപഞ്ചായത്ത് സെക്രട്ടറി അറിയിച്ചു. പുതുക്കിയ തിയ്യതി പിന്നീട് അറിയിക്കും.
