സംസ്ഥാനത്ത് അടുത്തമാസം വൈദ്യുതി ബില് വീണ്ടും കുറയും. വൈദ്യുതി ബില്ലില് ചുമത്തുന്ന ഇന്ധന സര്ചാര്ജ് കുറയുന്ന പശ്ചാത്തലത്തിലാണ് അടുത്ത മാസം വൈദ്യുതി ബില്ലില് കുറവ് ഉണ്ടാവുക. പ്രതിമാസ ബില്ലിങ് ഉള്ള ഉപഭോക്താക്കള്ക്ക് യൂണിറ്റിന് ആറ് പൈസയും രണ്ട് മാസത്തിലൊരിക്കല് ബില്ലിങ് ഉള്ളവര്ക്ക് യൂണിറ്റിന് എട്ട് പൈസയും ആയിരിക്കും പുതിയ ഇന്ധന സര്ചാര്ജ്. നേരത്തേ ഇത് 10 പൈസയായിരുന്നു. പുറത്തുനിന്ന് വൈദ്യുതി വാങ്ങുന്നതിന് ചെലവാകുന്ന തുക തിരിച്ചുപിടിക്കാന് കെഎസ്ഇബി സ്വന്തം നിലയ്ക്ക് ഈടാക്കിയിരുന്ന സര്ചാര്ജാണ് കുറഞ്ഞത്. വൈദ്യുതി റെഗുലേറ്ററി കമ്മീഷന് ഉത്തരവ് പ്രകാരം ഈടാക്കിയിരുന്ന ഒൻപത് പൈസ കഴിഞ്ഞ മാസം വേണ്ടെന്ന് വച്ചിരുന്നു. ഇതിന് പിന്നാലെയാണ് വൈദ്യുതി ബില്ലില് ചുമത്തുന്ന ഇന്ധന സര്ചാര്ജ് കെഎസ്ഇബി കുറയ്ക്കുന്നത്.
സെന്സസ് 2027: ജില്ലാതല ഉദ്യോഗസ്ഥരുടെ പരിശീലനം സമാപിച്ചു.
ദേശീയ സെന്സസിന് മുന്നോടിയായി ജില്ലാതല ഉദ്യോഗസ്ഥര്ക്കായി സംഘടിപ്പിച്ച ത്രിദിന പരിശീലനം സമാപിച്ചു. കളക്ടറേറ്റ് എ.പി.ജെ ഹാളില് നടന്ന പരിശീലന പരിപാടിയില് രണ്ട് ഘട്ടങ്ങളിലായി നടക്കാന് പോകുന്ന സെന്സസ് പ്രവര്ത്തനങ്ങളിലെ ഓരോ നടപടികളും ഉദ്യോഗസ്ഥരെ പരിചയപ്പെടുത്തുകയും
