പ്രളയാനന്തരം പ്രൊജക്റ്റ് വിഷൻ നിർമിച്ച 21-മത് ഭവനത്തിന്റെ താക്കോൽ കൈമാറ്റം നടത്തി.

പ്രളയ ദുരന്താനന്തരം പ്രൊജക്റ്റ് വിഷൻ നടപ്പിലാക്കി വരുന്ന നിരവധി പ്രവർത്തനങ്ങളുടെ ഭാഗമായി ദുരിതബാധിത കുടുംബങ്ങൾക്കായി നിർമിച്ച ഭവനത്തിന്റെ താക്കോൽ കൈമാറ്റം ഇന്ന് നടന്നു. പണിപൂർത്തീകരിച്ച രണ്ട് ഭവനങ്ങളാണ് കൈമാറിയത്. ഭിന്നശേഷിക്കാരനായ കണിയാംമ്പറ്റ സ്വദേശി മായൻകോട് സിദ്ധിഖ്, വൈത്തിരി സ്വദേശിയായ അമ്മച്ചി പറമ്പിൽ ലാലി ജോൺസൻ എന്നിവർക്കായാണ് വീടുകൾ കൈമാറിയത്. തോമസ് മുരിങ്ങത്തേരിയിൽ എന്ന വ്യക്തി തൃക്കൈപ്പറ്റയിൽ ദാനമായി നൽകിയ സ്ഥലത്താണ് ലാലി ജോൺസന് പുതിയ ഭവനം നിർമ്മിച്ചു നൽകിയത്. സാമ്പത്തികമായി പിന്നോക്കം നിൽക്കുന്നവർ, വാർധക്യ രോഗികൾ,വികലാംഗർ, ഗവൺമെന്റ് ഭവന നിർമ്മാണ ലിസ്റ്റിൽ ഉൾപ്പെടാത്തവർ എന്നിവർക്കു മുൻഗണന നൽകിയാണ് പ്രൊജക്റ്റ് വിഷൻ ഉപഭോക്താക്കളെ തിരെഞ്ഞെടുത്തത്. 500-550 സ്ക്വയർഫീറ്റ് വരുന്ന വീട്ടിൽ ഒരു ഹാൾ ,2 ബെഡ്റൂം, അടുക്കള, കുളിമുറി എന്നിവ ഉൾപ്പെട്ടതാണ്. അഞ്ചരലക്ഷത്തോളം രൂപയാണ് നിർമ്മാണച്ചിലവ്. മുത്തൂറ്റ് എം ജോർജ് ഫൗഡേഷന്റെ സാമ്പത്തിക പിന്തുണയോടെയാണ് പ്രൊജക്റ്റ് വിഷൻ ഈ ഭവനങ്ങളുടെ നിർമാണം പൂർത്തീകരിച്ചത്. ആഷിയാന പ്രോജക്റ്റിൽ ഉൾപ്പെടുത്തി പ്രളയ ബാധിതർക്കായി 200-ഓളം വീടുകൾ മുത്തൂറ്റ് എം ജോർജ് ഫൗഡേഷൻ കേരളത്തിൽ നിർമ്മിച്ചു നൽകുന്നുണ്ട്.
ചടങ്ങിൽ മുത്തൂറ്റ് ഗ്രൂപ്പ് എക്സിക്യൂട്ടിവ് ഡയറക്ടർ ജോർജ് എം ജോർജ്, മുത്തൂറ്റ് ഗ്രൂപ്പ് സിഎസ്ആർ വിഭാഗം ഹെഡ് ബാബു ജോൺ മലയിൽ , മേപ്പാടി പഞ്ചായത്ത് പ്രസിഡൻറ് ഓമന രമേഷ് , വാർഡ് മെമ്പർ രാജു ഗജമാടി . മൂത്തൂറ്റ് ഫിനാൻസ് കോഴിക്കോട് റീജിയണൽ മാനേജർ വേണുഗോപാലൻ നായർ റ്റി കെ , റീജിയണൽ അഡ്മിൻ മാനജർ ഗിരീഷ് കുമാർ , കല്പറ്റ ബ്രാഞ്ച് മാനേജർ സിജോ ജോൺ , കണിയാമ്പറ്റ ഗ്രാമ പഞ്ചായത്ത് പ്രസിഡൻറ് കമല രാമൻ , വൈസ് പ്രസിഡന്റ് സജീവ് കരണി , 13 ആം വാർഡ് മെമ്പർ അബ്ദുൾ ലത്തീഫ് , മുൻ മെമ്പർ റഷീന സുബൈർ , മാനന്തവാടി ബ്രാഞ്ച് മാനേജർ ശ്രീജിത്ത് പി കെ ,പ്രോജകറ്റ് വിഷൻ ഡയറക്ടർ ഫാ.ജോർജ് കണ്ണന്താനം,പ്രോജക്റ്റ് വിഷൻ കോ ഓർഡിനേറ്റർ സിബു ജോർജ് , വയനാട് കോ ഓർഡിനേറ്റർ സിമി മാത്യു, വോളണ്ടിയർന്മാരായ ജയൻ കെ.കെ, ജയ്സൺ, എന്നിവർ ചടങ്ങിൽ സന്നിഹിതരായിരുന്നു.