കൽപ്പറ്റ: കേരളം സംരംഭക സൗഹൃദ സംസ്ഥാനമായി വളർന്നു കൊണ്ടിരിക്കുകയാണന്ന് കോർപ്പറേറ്റ് ട്രെയ്നറും ജെ.സി.ഐ. മുൻ ദേശീയ ഭാരവാഹിയുമായ ജാസ്മിൻ കരീം. വയനാട് വനിതാ സംരംഭകർക്ക് വളരാൻ പറ്റിയ മണ്ണാണന്നും അവർ പറഞ്ഞു.
ഛായാമുഖി എന്ന പേരിൽ കൽപ്പറ്റയിൽ നടന്ന പരിപാടിയിൽ വനിതാ സംരംഭകരുമായി സംവദിക്കുകയായിരുന്നു അവർ.വയനാട്ടിൽ ആദ്യമായാണ് സ്ത്രീ സംരംഭകർക്കായി കൽപ്പറ്റ എൻ.എം.ഡി.സി.യിൽ
വിമൻ ചേംബർ ഓഫ് കൊമേഴ്‌സിൻ്റെ നേതൃത്വത്തിൽ ഛായാമുഖി 2023’ എന്ന പേരിൽ മേള സംഘടിപ്പിച്ചത് .
പുതിയ സംരംഭം ആരംഭിക്കാനും വിജയിപ്പിക്കാനും ഇന്ന് സ്ത്രീകൾക്ക് ധാരാളം അവസരങ്ങൾ ഉണ്ടന്നും അവ പ്രയോജനപ്പെടുത്തുകയാണ് വേണ്ടത് എന്നും സംരംഭക പരിശീലക ജാസ്മിൻ കരീം പറഞ്ഞു. എല്ലാ വർഷവും വനിതകളുടെ പ്രദർശന മേള സംഘടിപ്പിക്കാനാണ് സംഘാടകർ തീരുമാനിച്ചിട്ടുള്ളത്.ടൂറിസം , ആയുർവ്വേദം , സന്ദര്യ വർധക ഉൽപ്പന്നങ്ങൾ, ഭക്ഷ്യ സംസ്കരണം,ഡയറി , സ്ത്രീ സൗഹൃദ ടൂറിസം, ബാങ്കിങ് തുടങ്ങിയ മേഖലകളിൽ നിന്നൊക്കെ കമ്പനികൾ സ്റ്റാളുകളാണ് ഒരുക്കിയത്. മേളയോടനുബന്ധിച്ചു, സൗജന്യ മെഡിക്കൽ ക്യാമ്പും ആയുർവേദ ചികിത്സ ക്ലാസ്സുകളും കലാപരിപാടികളും സംഘടിപ്പിച്ചിരുന്നു. വനിതാ സംരംഭകർക്ക് അവരുടെ ഉൽപ്പന്നങ്ങൾ പരിചയപ്പെടുത്താനും വിപണനം ചെയ്യാനുമുള്ള സ്ഥിരം വേദിയൊരുക്കുകയാണ് ലക്ഷ്യമെന്ന് സംഘാടകർ പറഞ്ഞു.
